- 2020-08-19 11:37:47
- ព័ត៌មាន
Barca តែងតាំងអតីតកីឡាករឆ្នើមរបស់ខ្លួនធ្វើជាគ្រូបង្គោល
- 2020-08-19 11:37:47
- ចំនួនមតិ 0 | ចំនួនចែករំលែក 0
Barca តែងតាំងអតីតកីឡាករឆ្នើមរបស់ខ្លួនធ្វើជាគ្រូបង្គោល
ចន្លោះមិនឃើញ
ក្លឹប Barcelona បានតែងតាំងអតីតខ្សែការពាររបស់ខ្លួន លោក Ronald Koeman ធ្វើជាគ្រូបង្គោល ក្រោយចែកផ្លូវគ្នាជាមួយលោក Quique Setien។
បើតាមការប្រកាសក្នុងគេហទំព័រផ្លូវការរបស់ខ្លួន បុរសជនជាតិហុល្លង់រូបនេះបានព្រមព្រៀងជាមួយខាងក្លឹបមានមូលដ្ឋាននៅតំបន់ស្វយ័តកាតាឡាន់រយៈពេល ២ឆ្នាំ ដែលមានសុពលភាពរហូតដល់ឆ្នាំ២០២២។
លោក Koeman ធ្លាប់ធ្វើការនៅក្លឹប Barcelona ទាំងនៅកាលជាកីឡាករ និងការងារជាគ្រូបង្វឹក។ លោកជាខ្សែការពារនៅក្លឹបនេះ រយៈពេល ៦ឆ្នាំអំឡុងឆ្នាំ១៩៨៩ ដល់ឆ្នាំ១៩៩៥ ដោយកាលនោះ លោកបានបង្ហាញខ្លួនចំនួន ១៩២ដង និងរកបាន ៦៧គ្រាប់។
បន្តមកទៀតលោកបានធ្វើជាជំនួយការគ្រូបង្វឹកសម្រាប់ក្រុមឈុតធំ Barcelona ហើយក្រោយមកជាគ្រូនៅឈុតយុវជនក្លឹបនៅចុងទសវត្សទី៩០។ លុះចូលសតវត្សទី២១ លោកបានចេញទៅបង្វឹកនៅប្រទេសហុល្លង់ អង់គ្លេស អេស្ប៉ាញ ហើយចុងក្រោយលោកបានធ្វើជាគ្រូក្រុមជម្រើសជាតិហុល្លង់៕