- 2020-08-13 07:29:21
- បាល់ទាត់
Simeone ប្រាប់សមាជិក AT Madrid កុំមើលស្រាល Leipzig ប្រយ័ត្នមែនទែន
- 2020-08-13 07:29:21
- ចំនួនមតិ 0 | ចំនួនចែករំលែក 0
Simeone ប្រាប់សមាជិក AT Madrid កុំមើលស្រាល Leipzig ប្រយ័ត្នមែនទែន
ចន្លោះមិនឃើញ
ក្រុម Atletico Madrid នឹងត្រូវតតាំងជាមួយក្រុម RB Leipzig នៅម៉ោង២រំលងអាធ្រាត្រនេះ ក្នុងការប្រកួតពានរង្វាន់ UEFA Champions League វគ្គ៨ក្រុមចុងក្រោយ។
ក្នុងការប្រកួតនេះដែរ ក្រុម AT Madrid មានប្រៀបជាងខ្លាំង ត្បិតអីពួកគេជាក្រុមមានបទពិសោធច្រើនក្នុងពានរង្វាន់ UCL ខណៈដែលក្រុម Leipzig វិញនេះជាលើកដំបូងសម្រាប់ពួកគេហើយ។ បើទោះជាយ៉ាងនេះក្ដី លោក Simeone អ្នកចាត់ការក្រុម AT Madrid មើលឃើញថាការប្រកួតទល់ក្រុមកំពុងឡើងជើងរបស់អាល្លឺម៉ង់នឹងមិនងាយស្រួលឡើយ ត្បិតអីពួកគេមានកីឡាករពោរពេញដោយសមត្ថភាព ជាមួយគ្រូបង្វឹកមានយុទ្ធសាស្ត្រដឹកនាំក្រុមល្អថែមទៀត។
លោក Simeone ដែលកំពុងដឹកនាំក្រុម AT Madrid ល្អផងនោះបានអះអាងថា៖ “នេះជាការប្រកួតធំទល់ក្រុមល្អមួយ និងមានគ្រូបង្វឹកអស្ចារ្យម្នាក់។ ពួកគេលេងរហ័សនិងប្រយុទ្ធខ្លាំងមែនទែន។ ចំនួនគ្រាប់បាល់ដែលពួកគេមាន បញ្ជាក់ពីសមត្ថភាពរបស់គេ ដូច្នេះយើងត្រូវតែគោរពដល់ពួកគេ”។
យ៉ាងណាមិញ ក្រុម Leipzig ខកខានការប្រកួត៧សប្ដាហ៍មកហើយ មួយវិញទៀតទម្រង់លេងប្រយុទ្ធរបស់ពួកគេក៏អាចនឹងថមថយបន្តិចដែរ។ ការថមថយនេះ គឺដោយសារតែ Werner បានចាកចេញពីក្រុម Leipzig មកចូលរួមជាមួយ Chelsea ទៅហើយ ដូច្នេះនៅរាត្រីនេះមិនមានវត្តមានគេទេ។ ខណៈដែលខាងក្រុម AT Madrid វិញ ក៏អវត្តមានកីឡាករ២នាក់ដែលផ្ទុកមេរោគ Covid-19 ផងដែរ៕