- 2020-08-12 05:28:19
- បាល់ទាត់
កីឡាករ២រូបនេះ ជាប់ជម្រើស១១នាក់ដំបូងភ្លាម ទាត់ចូលម្នាក់១គ្រាប់ភ្លែត
- 2020-08-12 05:28:19
- ចំនួនមតិ 0 | ចំនួនចែករំលែក 0
កីឡាករ២រូបនេះ ជាប់ជម្រើស១១នាក់ដំបូងភ្លាម ទាត់ចូលម្នាក់១គ្រាប់ភ្លែត
ចន្លោះមិនឃើញ
កីឡាករទាំងពីររូបនោះគឺខ្សែប្រយុទ្ធ ចន្ថា ចន្ទាកា របស់ក្លឹបបាល់ទាត់អគ្គិសនីកម្ពុជា និងខ្សែបម្រើប្រយុទ្ធ សំ វណ្ណនិត របស់ក្លឹបនគរបាលជាតិ។
ចន្ថា ចន្ទាកា បានស៊ុតបញ្ចូលទីលើក្រុមខ្លាំងបឹងកេតនៅនាទី២៩ ក្នុងការប្រកួតដណ្ដើមពានរង្វាន់លីគកំពូលកម្ពុជាឆ្នាំ២០២០ ប៉ុន្តែមិនអាចជួយក្រុមបានទេ ពោលគឺចាញ់ម្ចាស់ផ្ទះ ២-៤។ នេះជាគ្រាប់ទីមួយរបស់គេ ក្នុងការបង្ហាញខ្លួនជម្រើស១១នាក់ដំបូងឱ្យក្លឹប បន្ទាប់ពីអង្គុយក្នុងបង់អស់រយៈពេល៩សប្ដាហ៍។
ចំណែក សំ វណ្ណនិត ថ្មីៗនេះទើបតែជាប់ជម្រើស១១នាក់ដំបូង ឱ្យក្លឹបនគរបាលជាតិក្នុងជំនួបជាមួយ អាស៊ីអឺរ៉ុបយូណាធីត នាសប្ដាហ៍ទី១១នៅកីឡដ្ឋាន អេ អ៊ី យូ ស្ពតផាក។ កីឡាករវ័យ២៣ឆ្នាំ បានជួយឱ្យក្រុមឈ្នះម្ចាស់ផ្ទះ ៣-២ ដោយរូបគេរកបានមួយគ្រប់នៅនាទីទី៨ ដើមតង់ទីមួយ ខណៈការប្រកួតកន្លងមក គេបានត្រឹមប្ដូរចូលម្ដងម្កាលតែប៉ុណ្ណោះ។
ចំពោះការជាប់ជម្រើស១១នាក់ដំបូងនេះដែរ ចន្ទាកា និង វណ្ណនិត បានបង្ហាញអារម្មណ៍ត្រេកអរ និងអរគុណដល់គ្រូបង្វឹកទាំងអស់ ដែលផ្ដល់ឱកាស ហើយពួកគេទាំងពីរបានប្ដេជ្ញាខំប្រឹងបន្ត ដើម្បីជួយក្រុមតាមដែរអាចធ្វើបាន៕