- 2020-08-10 08:38:00
- បាល់ទាត់
Update ៥ ចំណុចសំខាន់ៗលីគកំពូលកម្ពុជាគិតត្រឹមសប្ដាហ៍ទី១១
- 2020-08-10 08:38:00
- ចំនួនមតិ 0 | ចំនួនចែករំលែក 0
Update ៥ ចំណុចសំខាន់ៗលីគកំពូលកម្ពុជាគិតត្រឹមសប្ដាហ៍ទី១១
ចន្លោះមិនឃើញ
លីគកំពូលកម្ពុជាបានបញ្ចប់សប្ដាហ៍ទី១១ហើយ ដែលក្រុមព្រះខ័នរាជស្វាយរៀងបន្តស្ថិតនៅកំពូលតារាង ស្របពេលក្រុមបឹងកេតតាមប្រកៀកពិន្ទុ។ ឆ្លងកាត់ការប្រកួតអស់១១សប្ដាហ៍មានរឿងល្អ និងរឿងមិនល្អជាច្រើនសម្រាប់ក្រុមទាំង១២ ជាមួយគ្នានោះដែរពេលនេះ Sabay សូមលើកយកចំណុចសំខាន់ចំនួន ៥ មកបង្ហាញជូនប្រិយមិត្ត៖
១-ក្រុមមិនដែលចាញ់៖ ឆ្លងកាត់ការប្រកួត ១០ ដូចគ្នាព្រះខ័នរាជស្វាយរៀង និង បឹងកេតមិនទាន់ចាញ់ដូចគ្នា ដោយព្រះខ័នរាជស្វាយរៀងមាន ២៨ ពិន្ទុ ស្របពេលបឹងកេតមាន ២៦ ពិន្ទុ។
២-អ្នករកគ្រាប់បាល់ច្រើនជាងគេ៖ គិតត្រឹមសប្ដាហ៍ទី១១ អ្នករកគ្រាប់បាល់ច្រើនជាងគេទាំង៥រូបរួមមាន Pedro Augusto (ស្វាយរៀង) មាន ១៣ គ្រាប់ Privat (ស្វាយរៀង) មាន ១២ គ្រាប់ Timothy (ភ្នំពេញក្រោន ) មាន ១១ គ្រាប់ Mihaljevic Filip (វិសាខា) មាន ១១ គ្រាប់ និងខ្សែប្រយុទ្ធបឹងកេត ម៉ាត់ នូរុណ មាន ១០ គ្រាប់។
៣-ក្រុមមិនទាន់ឈ្នះ ៖ គិតត្រឹមពេលនេះមានតែមួយក្រុមប៉ុណ្ណោះ គឺយុវជនបាទី ដែលមិនទាន់ឈ្នះការប្រកួតសោះក្នុងចំណោម ១០ លើក ដោយស្មើ ២ និងចាញ់ ៨ មានតែពីរពិន្ទុប៉ុណ្ណោះស្ថិតនៅបាតតារាង។
៤-ក្រុមទាត់ចូលដៃគូច្រើនជាងគេ៖ ព្រះខ័នរាជស្វាយរៀងបានក្លាយជាក្រុមទាត់ចូលទីដៃគូច្រើនជាងគេ ដោយក្នុងចំណោម ១០ ប្រកួតទាត់ចូលដៃគូបានចំនួន ៣៨ គ្រាប់ និងរបូតវិញ ៧ គ្រាប់។
៥-ក្រុមទាត់ចូលដៃគូតិចជាងគេ៖ យុវជនបាទីជាក្រុមដែលទាត់ចូលដៃគូតិចបំផុតគឺពោលរកបានតែ២គ្រាប់ប៉ុណ្ណោះ ក្នុងចំណោម ១០ លើក ពោលគឺប្រកួតប៉ះប៉ូលិស១-១ និងចាញ់ បឹងកេត៦-១ កាលពីពេលថ្មីៗនេះ៕
