- 2020-07-31 09:19:39
- បាល់ទាត់
វិសាខាប្ដេជ្ញាចិត្តយកលទ្ធផលល្អណាមួយឲ្យបាន ប៉ះស្វាយរៀងសប្ដាហ៍នេះ
- 2020-07-31 09:19:39
- ចំនួនមតិ 0 | ចំនួនចែករំលែក 0
វិសាខាប្ដេជ្ញាចិត្តយកលទ្ធផលល្អណាមួយឲ្យបាន ប៉ះស្វាយរៀងសប្ដាហ៍នេះ
ចន្លោះមិនឃើញ
លោក ហុក សុចិត្រា អ្នកចាត់ការក្រុមវិសាខាថា ក្រុមរបស់លោកបានប្ដេជ្ញាចិត្ត នឹងយកលទ្ធផលល្អណាមួយឲ្យបានសម្រាប់កម្មវិធីប្រកួតរវាងក្រុមរបស់លោក និង ព្រះខនរាជស្វាយរៀង ដែលគ្រោងឡើងវេលាម៉ោង ៦ ល្ងាចថ្ងៃទី២ ខែសីហា ឆ្នាំ២០២០ នៃលីគកំពូលកម្ពុជាសប្ដាហ៍ទី១០ នៅទឹកដីខេត្តស្វាយរៀង។
អតីតគ្រូបង្វឹកជម្រើសជាតិ Futsal ខាងលើបានឲ្យដឹងថា ការប្រកួតនេះអាចចាត់ទុកថា ជាជំនួបដ៏ធំប្រចាំសប្ដាហ៍រវាងក្រុមយក្សពីរ ដែលកំពុងប្រជែងជើងឯកលីគកំពូលកម្ពុជា។ សម្រាប់វិសាខាមិនមានកីឡាករសំខាន់របួសឡើយ ហើយក៏បានត្រៀមខ្លួនយ៉ាងល្អ ដើម្បីធ្វើយ៉ាងណាប្រឹងប្រែងយកលទ្ធផលល្អណាមួយឲ្យបាន។
លោកសង្កត់ធ្ងន់ថា ក្រុមរបស់លោកក៏មានការព្រួយបារម្ភខ្លះៗក្នុងការប្រកួតនេះ។ ប៉ុន្តែមិនមែនជារឿងដែលក្រុមរបស់លោកត្រូវគិតខ្លាំងពេកឡើយ ពីព្រោះការប្រកួតបែបនេះ ដៃគូក៏គេមានការព្រួយបារម្ភពីក្រុមរបស់លោកដូចគ្នា។
ក្នុងការប្រកួតនេះដែរលោកពិតជាមានការសោកស្ដាយ ដែលមិនអាចមានអ្នកគាំទ្រចូលរួមទស្សនាផ្ទាល់បាន។ ប៉ុន្តែលោកសំណូមពរឲ្យអ្នកគាំទ្របន្តគាំទ្រ ដើម្បីឲ្យវិស័យបាល់ទាត់មានការរីកចំរើន បើទោះមិនអាចទៅទស្សនាផ្ទាល់បានក៏អាចទស្សនាតាមរយៈទូរទស្សន៍ ឬ Page ដែលធ្វើការផ្សាយផ្ទាល់ផងដែរ។
សូមបញ្ជាក់ថា រដូវកាលនេះស្វាយរៀងមិនទាន់ស្គាល់បរាជ័យឡើយ ដោយក្នុងចំណោម ៨ ប្រកួតឈ្នះ ៧ ស្មើ១ ស្ថិតនៅលេខ១ ក្នុងតារាងលីគកំពូលកម្ពុជាមាន ២២ ពិន្ទុ។ ចំណែកវិសាខាមាន ១៩ ពិន្ទុស្ថិតនៅលេខ ៣ ដោយ ៩ ប្រកួតឈ្នះ៦ ស្មើ១ ចាញ់២ ៕