- 2020-07-31 07:42:44
- បាល់ទាត់
សម្បូរទៅដោយយុវជនមែន តែខេត្តព្រៃវែងមានឆន្ទៈមិនធម្មតា
- 2020-07-31 07:42:44
- ចំនួនមតិ 0 | ចំនួនចែករំលែក 0
សម្បូរទៅដោយយុវជនមែន តែខេត្តព្រៃវែងមានឆន្ទៈមិនធម្មតា
ចន្លោះមិនឃើញ
ក្រោយការចាប់គូរប្រកួតដំណាក់កាលផ្ដាច់ព្រ័ត្រនៃព្រឹត្តិការណ៍ Hun Sen Cup លើកទី១៤ កាលម៉ោង ១១ ព្រឹកថ្ងៃ៣១ ខែកក្កដា ឆ្នាំ២០២០ នៅពហុកីឡដ្ឋានជាតិ ក្រុមបាល់ទាត់ខេត្តព្រៃវែង នឹងត្រូវប៉ះក្រុមបាល់ទាត់ អង្គរ Tiger។
ក្នុងឱកាសចាប់គូរប្រកួតនោះដែរលោក ទេស វិសាល អគ្គលេខាធិការរងនៃក្រុមបាល់ទាត់ខេត្តព្រៃវែងបានឲ្យដឹងថា ក្រុមរបស់លោកមានឆន្ទៈខ្ពស់ក្នុងការប្រកួតគឺធ្វើយ៉ាងណាត្រូវតែប្រឹងប្រែងយកឈ្នះការប្រកួតនេះឲ្យបាន។ ជាការពិតក្រុមរបស់លោកពិតជាសម្បូរទៅដោយយុវជន និងមានបទពិសោធស្ទើរ ប៉ុន្តែយ៉ាងណាក្រុមរបស់លោកបានត្រៀមខ្លួនយ៉ាងល្អឥតខ្ចោះក្នុងការលេងតទល់ ក្រុមធំៗដូចជា Tiger ជាដើម។
លោកបន្ថែមថា ក្រុមបាល់ទាត់ខេត្តព្រៃវែងទទួលបានការគាំទ្រខ្លាំងក្លាពីថ្នាក់ដឹកនាំខេត្ត ដូច្នេះទាំងកីឡាករ និងគ្រូបង្វឹកបានប្ដេជ្ញាចិត្តទាំងអស់គ្នា នឹងប្រឹងប្រែងឲ្យអស់ពីកម្លាំងកាយចិត្ត ស្វែងរកលទ្ធផលល្អណាមួយជូនថ្នាក់ដឹកនាំ។ យ៉ាងណាក្ដីលោកក៏មើលឃើញដែរថា Tiger មានកីឡាករល្អៗច្រើន អ្វីដែលពិសេសក្រុមនេះបង្ហាញទម្រង់លេងក្នុងលីគកំពូលបានល្អទៀតផង។
សូមបញ្ជាក់ថា ការប្រកួតរវាងក្រុមទាំងពីរខាងលើ នឹងចាប់ផ្ដើមការប្រកួតជើងទី១ ថ្ងៃទី១៣ ខែសីហា ឆ្នាំ២០២០ នៅទឹកដីខេត្តសៀមរាប។ ចំណែកជើងទី២ នឹងធ្វើឡើងនៅថ្ងៃទី២០ ខែសីហា នៅទឹកដីខេត្តព្រៃវែង៕