- 2020-07-28 05:02:31
- បាល់ទាត់
Khmer United A៖ យើងស៊ីបានច្រើនគ្រាប់ ១៧-១ នេះតាមដែលអាចធ្វើទៅបាន
- 2020-07-28 05:02:31
- ចំនួនមតិ 0 | ចំនួនចែករំលែក 0
Khmer United A៖ យើងស៊ីបានច្រើនគ្រាប់ ១៧-១ នេះតាមដែលអាចធ្វើទៅបាន
ចន្លោះមិនឃើញ
អ្នកគ្រប់គ្រងក្រុមបាល់ទាត់ពាក់កណ្ដាលអាជីព Khmer United A ថាជ័យជម្នះលើសលប់ ១៧-១ លើដៃគូកាលពីថ្ងៃសៅរ៍ សប្ដាហ៍ទី៧ នេះគឺប្រឹងអស់ពីសមត្ថភាព និងរកគ្រាប់បាល់តាមអ្វីដែលក្រុមអាចធ្វើបានមិនបន្ធូរនោះទេ។
លោក ឈូស វណ្ណឌី អ្នកចាត់ការក្រុមបាល់ទាត់ Khmer United A បានឲ្យដឹងថា សម្រាប់ការប្រកួតសប្ដាហ៍ទី៧ នៃពានរង្វាន់ KW Cambodia League នេះគឺមិនមានការបន្ធូរដៃ ឬបើកឲ្យគ្នាស៊ុតតាមចិត្តនោះទេ ពោលប្រឹងប្រែងរៀងខ្លួនតាមដែលអាចធ្វើទៅបាន។
ការស៊ុតបញ្ចូលសំណាញ់ទីបានរហូតដល់ ១៧គ្រាប់ នេះគឺកូនក្រុមរបស់លោកព្យាយាមរកគ្រាប់បាល់ឲ្យបានច្រើនដើម្បីប្រជែងយកស្បែកជើងមាស ឬជាអ្នកស៊ុតបញ្ចូលទីបានច្រើនជាងគេនៅពេលបញ្ចប់រដូវកាល ២០២០ នេះ។ មួយវិញទៀត Khmer United B បើទោះជាដឹងថាក្រុមរបស់លោកល្អយ៉ាងណាក្ដី នៅតែប្រើយុទ្ធសាស្ត្រវ៉ៃសម្រុកខ្លាំងដដែលខណៈខ្សែបម្រើស្លាប និងតំបន់ការពាររបស់ខ្លួនខ្សោយក៏ដោយ ជាហេតុទើបរបូតគ្រាប់បាល់ច្រើនបែបនេះ។
តំណាងក្រុម Khmer United A ក៏សំណូមពរដល់ក្រុមដែលចូលរួមប្រកួតទាំងអស់រាល់ចុងសប្ដាហ៍គឺត្រូវមើលកីឡាកររបស់ខ្លួនកុំឲ្យភ្លេចរក្សាអនាម័យដូចជាពាក់ម៉ាស់ការពារពេលមុនចូលទីលានប្រកួត ឧស្សាហ៍លាងដៃសំអាតមេរោគ និងនៅឃ្លាតឲ្យឆ្ងាយពីគ្នាបន្តិចផងដែរ។
រំលឹកដែរថា ការប្រកួតសន្សំពិន្ទុពានរង្វាន់បាល់ទាត់ពាក់កណ្ដាលអាជីព KW Cambodia League 2020 បានបញ្ចប់ការប្រកួតសប្ដាហ៍ទី៧ របស់ខ្លួនរួចហើយ។ ក្នុងនោះក្រុមលេខ១ កំពូលតារាងនៅតែ TN Kandal FC មាន ២១ពិន្ទុ និងប្រកួតបាន៧ដង។ ចំណែក Khmer United A ប្រកួតចុងក្រោយសប្ដាហ៍ទី៧ របស់ខ្លួននោះគឺឈ្នះ Khmer United B ដោយលទ្ធផល ១៧-១ ៕
