- 2020-07-24 04:03:46
- បាល់ទាត់
Timothy ថាត្រៀមខ្លួនរួចហើយ ដើម្បីយក៣ពិន្ទុពីបឹងកេត
- 2020-07-24 04:03:46
- ចំនួនមតិ 0 | ចំនួនចែករំលែក 0
Timothy ថាត្រៀមខ្លួនរួចហើយ ដើម្បីយក៣ពិន្ទុពីបឹងកេត
ចន្លោះមិនឃើញ
ខ្សែប្រយុទ្ធមុតស្រួចរបស់ភ្នំពេញក្រោន Timothy បានអះអាងថាខ្លួនត្រៀមរួចជាស្រេចហើយ សម្រាប់ការប្រកួតទល់ក្រុមបឹងកេតនៅថ្ងៃអាទិត្យចុងសប្ដាហ៍នេះ។
លីគកំពូលកម្ពុជាបានឈានដល់សប្ដាហ៍ទី៩ហើយ ដោយចុងសប្ដាហ៍នេះ គូពិសេសជាងគេគឺ បឹងកេត ទទួលស្វាគមន៍ក្រុមភ្នំពេញក្រោន នៅម៉ោង៣:៣០នាទីថ្ងៃអាទិត្យ។ ដោយមុនការប្រកួតធំនេះមកចូលមកដល់ ខ្សែប្រយុទ្ធ Timothy របស់ក្រោន បានអះអាងថាខ្លួនត្រៀមជាស្រេចហើយ សម្រាប់យក៣ពិន្ទុពីផ្ទះរបស់បឹងកេត។
កីឡាកររកបាន១១គ្រាប់ និងឈរកំពូលតារាងអ្នករកគ្រាប់បាល់បានច្រើនជាងគេនៅកម្ពុជានេះ បាននិយាយថា៖ “ខ្ញុំមានអារម្មណ៍ល្អរាល់ការប្រកួតទាំងអស់ យើងបានផ្ដោតអារម្មណ៍សម្រាប់ការប្រកួត កែលម្អចំណុចខ្វះខាត ហើយខ្ញុំរំពឹងថាយើងនឹងធ្វើវាបានល្អជាងមុន ដើម្បីយកជ័យជម្នះមកកាន់ផ្ទះរបស់យើងវិញ”។
រំលឹកថានៅរដូវកាលនេះ ក្រុមភ្នំពេញក្រោន និងបឹងកេត មិនទាន់ស្គាល់បរាជ័យនៅឡើយទេ។ ក្រោននៅលេខ២ ក្នុងតារាង ឆ្លងកាត់៨ប្រកួត ឈ្នះ៥ស្មើ៣ និងបឹងកេតវិញនៅលេខ៣ ក្នុងតារាង ឆ្លងកាត់៧ប្រកួត ឈ្នះ៥និងស្មើ២ ៕
ប្រភព៖ ភ្នំពេញក្រោន
