/5f16de84bac1a_1595334240_medium.jpg)
- 2020-07-21 12:50:14
- បាល់ទាត់
ថ្នាក់ដឹកនាំ Juveថា ទាំង Sarri និង Ronaldo ច្បាស់ជានៅបន្តក្លឹបនេះក្នុងរដូវកាលក្រោយ
- 2020-07-21 12:50:14
- ចំនួនមតិ 0 | ចំនួនចែករំលែក 0
ថ្នាក់ដឹកនាំ Juveថា ទាំង Sarri និង Ronaldo ច្បាស់ជានៅបន្តក្លឹបនេះក្នុងរដូវកាលក្រោយ
ចន្លោះមិនឃើញ
ប្រធានផ្នែកបាល់ទាត់របស់ក្លឹប Juventus លោក Fabio Paratici បាននិយាយកាលពីពេលថ្មីៗនេះថា ទាំងលោក Maurizio Sarri និងខ្សែប្រយុទ្ធ Cristiano Ronaldo នឹងនៅតែបន្តជានឹងក្លឹបលោកនៅរដូវកាលក្រោយទៀត។
លោក Paratici បាននិយាយថា៖" ខ្ញុំធ្វើនៅនេះជាង ១០ឆ្នាំហើយ ក្លឹបយើងឈានមុខគេ ៩ឆ្នាំជាប់ៗគ្នាហើយនៅ Serie A នេះ។ យើងធ្លាប់ឈ្នះពាននេះ និងពាន Super Cupsជាមួយលោក Allegri (អតីតគ្រូបង្គោលក្លឹបនេះ) ៥ឆ្នាំមកហើយ។ "
លោកបានបន្តថា៖" រាល់ដងមិនថាឈ្នះ ចាញ់ ឬក៏ស្មើទេ ពួកយើងតែងតែប្រជុំផ្ទៃក្នុងជាមួយគ្នា រំពឹងទុកអ្វីដែលពួកយើងចង់បានរួមគ្នា ហើយពួកយើងរីករាយនឹងលទ្ធផលដែលទទួលបានណាស់ អញ្ចឹងគ្មានអ្វីគួរសង្ស័យទៀតទេ លោក Sarri ប្រាកដជានៅបន្តជាមួយយើងរដូវកាលក្រោយនេះហើយ។ "
លើសពីនេះលោក Paratici ក៏បន្ថែមថា ចំណែកឯ Ronaldo វិញក៏ច្បាស់ជានៅបន្តជាមួយនឹងពួកយើងទៀតដែរ នៅរដូវកាលក្រោយនេះ៕
