- 2020-07-21 09:41:48
- បាល់ទាត់
TN KANDAL FC ចេះដូរយុទ្ធសាស្ត្រថ្មីកុំអី ស្មើ ឬចាញ់ ក្រុមមហាហង្ស បាត់ហើយ
- 2020-07-21 09:41:48
- ចំនួនមតិ 0 | ចំនួនចែករំលែក 0
TN KANDAL FC ចេះដូរយុទ្ធសាស្ត្រថ្មីកុំអី ស្មើ ឬចាញ់ ក្រុមមហាហង្ស បាត់ហើយ
ចន្លោះមិនឃើញ
តំណាងក្រុមបាល់ទាត់ TN KANDAL FC ថាសំណាងដែរដែលគ្រូបង្វឹកចេះផ្លាស់ប្ដូរយុទ្ធសាស្ត្រថ្មី កុំអីអាចនឹងស្មើ ឬចាញ់ក្រុមខ្លាំង មហាហង្ស ផងកាលពីជំនួបសប្ដាហ៍ទី៦ ពានរង្វាន់ KW Cambodia League ។
តំណាងក្រុមបាល់ទាត់ TN KANDAL FC បានឲ្យដឹងថា កាលពីវគ្គទី១ គឺក្រុមរបស់លោកធ្វើបានល្អជាងក្រុមមហាហង្ស ដោយអាចគ្រប់គ្រង និងរកគ្រាប់បាល់បំប៉ោងសំណាញ់ថែមទៀតផង។ ប៉ុន្តែឈានដល់វគ្គទី២ ក្រុមមហាហង្ស ដូរយុទ្ធសាស្ត្រលេងថ្មីជាហេតុធ្វើឲ្យសកម្មភាពលេងរបស់គេប្រសើរឡើងវិញថែមទាំងអាចរកគ្រាប់បាល់បានតាមស្មើផង។
ដោយឃើញស្ថានភាពមិនសូវល្អគ្រូបង្វឹករបស់ក្រុមលោក (TN KANDAL FC) បានផ្លាស់ប្ដូរយុទ្ធថ្មីវិញដែរគឺដូរកីឡាករធ្លាក់កម្លាំងចេញ ដាក់កីឡាករក្មេងៗវិញដើម្បីដេញបាល់ និងទុកខ្សែប្រយុទ្ធ១រូបជានិច្ចនៅខាងលើចាំឆ្មក់យកបាល់ ឬរកគ្រាប់បាល់នៅពេលឱកាសល្អណាមួយ។ ការធ្វើបែបនេះហើយទើបក្រុមរបស់លោក អាចរកគ្រាប់បាល់ចុងម៉ោងយកឈ្នះបានលើ មហាហង្ស កាលពីថ្ងៃសៅរ៍នោះ។
រំលឹកដែរថា ការប្រកួតសប្ដាហ៍ទី៦ ពានរង្វាន់បាល់ទាត់ពាក់កណ្ដាលអាជីព KW Cambodia League 2020 នេះក្រុម TN KANDAL FC បានយកឈ្នះលើក្រុម មហាហង្ស ដោយលទ្ធផល ៣-២ កាលពីថ្ងៃសៅរ៍ ទី១៨ ខែកក្កដា ឆ្នាំ២០២០។ បច្ចុប្បន្នក្រុម TN KANDAL FC ឈរលេខ១ កំពូលតារាងមាន១៨ពិន្ទុ៕
