- 2020-07-10 03:04:40
- បាល់ទាត់
CL៖ Man City ប៉ះ Real នៅដើមខែសីហា ឆ្នាំ២០២០
- 2020-07-10 03:04:40
- ចំនួនមតិ 0 | ចំនួនចែករំលែក 0
CL៖ Man City ប៉ះ Real នៅដើមខែសីហា ឆ្នាំ២០២០
ចន្លោះមិនឃើញ
គណៈគ្រប់គ្រង Uefa បានអះអាងថា ការប្រកួតជើងទី២ នៃពានរង្វាន់ Champions League និង Europa League នឹងធ្វើឡើងនៅទឹកដីម្ចាស់ផ្ទះរៀងៗខ្លួនដោយគ្មានអ្នកគាំទ្រ។
Man City នឹងត្រូវបើកទ្វារកីឡដ្ឋាន Etihad Stadium ទទួលក្រុមភ្ញៀវ Real Madrid នាថ្ងៃទី៧ឬ៨ខែសីហា ចំណែក Chelsea ត្រូវហោះទៅលេងក្រុមម្ចាស់ផ្ទះ Bayern Munich។ ចំណែកពាន Europa League ក្រុម Wolves នឹងទទួលក្រុមភ្ញៀវ Olympiakos ហើយ Manchester United នឹងបើកទ្វារកីឡដ្ឋាន Old Trafford ស្វាគមន៍ LASK នៅថ្ងៃទី៥ ឬ៦ ខែសីហា ឆ្នាំ២០២០។
ជើងទី១ក្រុមមេឃខៀវ បានយកឈ្នះក្រុមម្ចាស់ផ្ទះ Real ២-១ ក្រុមតោខៀវចាញ់ Bayern ៣-០ ក្រុមបិសាចក្រហមឈ្នះ LASK ៥-០ និងក្រុម Wolves បានត្រឹម១-១ Olympiakos ប្រទេសក្រិក។ ក្រុម Rangers នឹងហោះទៅប្រទេសអាល្លឺម៉ង់ ក្រោយចាញ់ Bayer Leverkusen ៣- ១។
ចំណែក Inter Milan ប៉ះ Getafe និង Sevilla ប៉ះ Roma នឹងធ្វើឡើងតែមួយជើងប៉ុណ្ណោះក្នុងប្រទេសអាល្លឺម៉ង់ បន្ទាប់ពីស្ថានភាពវីរុសកូរ៉ូណានៅអេស្ប៉ាញ និងអ៊ីតាលី ជះឥទ្ធិពលអាក្រក់ ធ្វើឱ្យជើងទី១ ត្រូវលុបចោល។
វគ្គ៨ក្រុមចុងក្រោយ សម្រាប់ការប្រកួតពានទាំងពីរ នឹងធ្វើឡើងដោយគ្មានអ្នកគាំទ្រដដែល។ វគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ នឹងធ្វើឡើងនៅ Lisbon ពីថ្ងៃទី១២ ដល់ ២៣ សីហា ២០២០។
ចំណែកការប្រកួតជុំទី៣ចុងក្រោយ នៃ Europa League នឹងធ្វើនៅក្នុងទីក្រុងប្រទេសអាល្លឺម៉ង់ ដោយការប្រកួតវគ្គផ្ដាច់ព្រ័ត្រធ្វើនៅទីក្រុង Cologne ថ្ងៃ ២១ ខែសីហា នឹងប្ដូរទៅ Gdasnk ប្រទេសប៉ូឡូញវិញ៕