- 2020-06-29 14:23:44
- បាល់ទាត់
១០០ឆ្នាំហើយ ដែលអធិរាជស ទទួលបានងារ "Real" ពីស្ដេចអេស្ប៉ាញ
- 2020-06-29 14:23:44
- ចំនួនមតិ 0 | ចំនួនចែករំលែក 0
១០០ឆ្នាំហើយ ដែលអធិរាជស ទទួលបានងារ "Real" ពីស្ដេចអេស្ប៉ាញ
ចន្លោះមិនឃើញ
នៅក្នុងថ្ងៃទី២៩ ខែមិថុនា ឆ្នាំ២០២០នេះ ជាគម្រប់ខួប ១០០ឆ្នាំរបស់ក្លឹបអធិរាជស ដែលបានទទួលគោរមងារ " Real " ពីស្ដេចអេស្ប៉ាញ Alfonso ទី១៣។
ដើមឡើយកាលពីក្លឹបនេះបង្កើតឡើងដំបូងក្នុងថ្ងៃទី០៦ ខែមីនា ឆ្នាំ១៩០២ ក្លឹប Real Madrid មានឈ្មោះត្រឹម Madrid ប៉ុណ្ណោះ។
តែបន្ទាប់ពីក្លឹបនេះ បានខិតខំលេងកាន់តែខ្លាំងទៅៗ មានអ្នកគាំទ្រកើនឡើងច្រើនទៅៗពី មួយថ្ងៃទៅមួយថ្ងៃ មានទីលានកាន់តែធំទៅៗ ក្លឹបនេះក៏សម្រេចចិត្តសុំគោរមងារ " Real " បន្ថែម។
លុះដល់ថ្ងៃទី២៩ ខែមិថុនា ឆ្នាំ១៩២០ ក្លឹបនេះក៏ទទួលបានគោរមងារបន្ថែមពីមុខដូចបំណង ហើយក៏បានក្លាយឈ្មោះជា Real Madrid។
នៅពេលប្រទេសអេស្ប៉ាញប្រកាន់របបសាធារណៈក្នុងកំឡុងឆ្នាំ ១៩៣១ដល់១៩៣៩ គោរមងារបន្ថែមថា "Real" នេះក៏បានបាត់ទៅវិញ តែបន្ទាប់ពីឆ្នាំនេះមក ងារនេះក៏នៅជាប់លាប់មកដល់សព្វថ្ងៃ៕