- 2020-06-19 01:40:57
- បាល់ទាត់
ខានលេងជិត១ឆ្នាំ Asensio ប៉ះបាល់ភ្លាម ស៊ុតចូលភ្លាមតែម្ដង ជួយ Real ឈ្នះ ៣-០
- 2020-06-19 01:40:57
- ចំនួនមតិ 0 | ចំនួនចែករំលែក 0
ខានលេងជិត១ឆ្នាំ Asensio ប៉ះបាល់ភ្លាម ស៊ុតចូលភ្លាមតែម្ដង ជួយ Real ឈ្នះ ៣-០
ចន្លោះមិនឃើញ
ក្រុម Real Madrid បានយកឈ្នះលើក្រុម Valencia ក្នុងលទ្ធផល ៣-០ នាការប្រកួតពានរង្វាន់ La Liga នៅយប់មិញនេះ។
៣គ្រាប់ដែលធ្វើបានសម្រេចរបស់ក្រុមលោក Zidane នេះ កើតចេញពីជើងរបស់ Karim Benzema ២គ្រាប់ និង Asensio មួយគ្រាប់។ ២គ្រាប់របស់ខ្សែប្រយុទ្ធបារាំងរកបាននៅនាទី៦១ ១គ្រាប់ក្រោយពីទទួលបានបាល់ពី Hazard និងនាទី៨៦១គ្រាប់ ដែលជាការបញ្ជូនបាល់ពី Asensio ។ ដោយឡែក១គ្រាប់របស់ Asensio វិញ រកបាននៅនាទី៧៤ ពោលគឺជានាទីដែលរូបគេប្ដូរចូលលេងតែម្ដង។ គ្រាន់តែប្ដូរចូលភ្លាម ការប៉ះពាល់ជាលើកដំបូងនេះ គឺជាការទាត់បញ្ចូលទីតែម្ដង។
ប្រកួតនៅយប់មិញនេះ គឺជាប្រកួតដំបូងរបស់ខ្សែប្រយុទ្ធអេស្ប៉ាញខាងលើ ក្រោយពីខកខានលេងជិត១ឆ្នាំ ដោយសារតែបញ្ហារបួសវះកាត់ជង្គង់របស់គេ។ មួយវិញទៀត ការទទួលបាន៣ពិន្ទុនេះ ក៏ធ្វើឱ្យក្រុម Real Madrid បន្ដដេញតាម Barcelona នៅកំពូលតារាងផងដែរ ព្រោះពួកគេលើសគ្នាតែ២ពិន្ទុប៉ុណ្ណោះ៕
