- 2020-06-16 07:46:00
- បាល់ទាត់
Lewandowski មិនដែលផ្ដោតលើ Ballon d'Or ឡើយ
- 2020-06-16 07:46:00
- ចំនួនមតិ 0 | ចំនួនចែករំលែក 0
Lewandowski មិនដែលផ្ដោតលើ Ballon d'Or ឡើយ
ចន្លោះមិនឃើញ
តាមការចុះផ្សាយរបស់ Goal ខ្សែប្រយុទ្ធ Robert Lewandowski មិនចាត់ទុកពានរង្វាន់កីឡាករឆ្នើម Ballon d'Or ជាអាទិភាព ហើយក៏មិនដែលផ្ដោតយកបានពាននេះដែរ ព្រោះយល់ថាគេមិនទាន់ល្អដល់កម្រិតកំពូលឡើយ។
ខ្សែប្រយុទ្ធ Bayern Munich បញ្ជាក់៖"ខ្ញុំថែមទាំងមិនដែលគិតអំពីពាន Ballon d'Or ប៉ុន្តែទោះបីជាយ៉ាងណាក្នុងជីវិតរបស់ខ្ញុំ ខ្ញុំជឿថាអ្វីៗក៏អាចនឹងកើតមានឡើងបានដែរ"។
Lewandowski បានបន្ថែមទៀត អ្វីដែលគេចង់បានគឺ ប្រឹងឱ្យពីសមត្ថភាព ឈ្នះពានច្រើន និងរកគ្រាប់បាល់បានច្រើន ដែលអ្វីទាំងនេះជារឿងសំខាន់បំផុតសម្រាប់គេ។
ជម្រើសជាតិប៉ូឡូញ បន្ថែម ៖"ខ្ញុំមិនទាន់ដល់ពេលល្អបំផុតរបស់ខ្ញុំនៅឡើយទេ។ អាចនឹងឆាប់ៗនេះ។ តែអ្វីទាំងនេះគ្រាន់ជាតួលេខប៉ុណ្ណោះ។ ខ្ញុំជឿជាក់ថា ភាពអស្ចារ្យក្នុងអាជីពរបស់ខ្ញុំនឹងមកដល់ឆាប់ៗ។ ខ្ញុំដឹងថានេះមិនមែនជាកុងត្រាចុងក្រោយរបស់ខ្ញុំទេ។ ខ្ញុំចង់លេងបានយូរជាងនេះ និងរក្សារាងបានល្អ"។
យ៉ាងណាកីឡាករវ័យ៣១ឆ្នាំ ទំនងជាអាចនឹងប្រជែងដណ្ដើមពានរង្វាន់នេះដែរក្នុងឆ្នាំ២០២០ ដ្បិតរូបគេកីឡាករលេចធ្លោ និងរកបាន ៤៥គ្រាប់គ្រប់កម្មវិធីប្រកួត ហើយសមល្មមឱ្យ Bayern Munich លើកពានលីគកំពូលអាល្លឺម៉ង់ Bundesliga បានដែរ៕