/5edf8533596e7_1591706880_medium.jpg)
- 2020-06-09 12:54:24
- បាល់ទាត់
Dybala ទម្លាយថា មានក្លឹបខ្លាំងៗបី មកចែចូវខ្លួនកាលពីឆ្នាំមុន
- 2020-06-09 12:54:24
- ចំនួនមតិ 0 | ចំនួនចែករំលែក 0
Dybala ទម្លាយថា មានក្លឹបខ្លាំងៗបី មកចែចូវខ្លួនកាលពីឆ្នាំមុន
ចន្លោះមិនឃើញ
ខ្សែប្រយុទ្ធក្លឹប Juventus កីឡាករ Paulo Dybala បាននិយាយទៅកាន់ CNN កាលពីពេលថ្មីៗថា កាលពីឆ្នាំមុនមានក្លឹប Manchester United និងក្លឹប Tottenham Hotspur ជាដើមមកទាក់ទង តែគេមិនទៅ ដោយសារតែចង់លេងនៅក្លឹបហ្នឹងដដែល។
Dybala បាននិយាយថា៖" ប្រហែលជាជិតមួយឆ្នាំមុន Juventus មិនចង់ទុកខ្ញុំឲ្យលេងបន្តទៀតទេ អញ្ចឹងហើយក៏មានក្លឹបមួយចំនួនមកទាក់ទងខ្ញុំដូចជាក្លឹប Manchester United ក្លឹប Tottenham Hotspur ថែមទាំងក្លឹប Paris Saint Germain ទៀតផងមកដែរ។"
ខ្សែប្រយុទ្ធរូបនេះបានបន្តថា៖" តែពេលនោះ ខ្ញុំមិនបាននិយាយដោយផ្ទាល់ជាមួយពួកគេទេ គ្រាន់តែដឹងថាគេមកទាក់ទង ទោះជាយ៉ាងណា ខ្ញុំមិនចង់ទៅទេ គោលបំណងរបស់ខ្ញុំគឺនៅបន្ត ដោយសារតែកាលនោះ ជាឆ្នាំមិនល្អសម្រាប់ខ្ញុំ ខ្ញុំលេងមិនសូវបានទេ អញ្ចឹងហើយខ្ញុំមិនចង់ចាកចេញទាំងបែបហ្នឹងទេ។"
យ៉ាងណាមិញ Dybala បានបន្ថែមថា គេចង់បន្សល់ទុកកេរ្តិ៍ឈ្មោះល្អនៅក្លឹបនោះ លុះដល់ពេលលោក Maurizio Sarri មកដឹកនាំ គេក៏ចាប់ផ្ដើមមានការរីកចម្រើនជាបន្តបន្ទាប់ ធ្វើឲ្យគេចង់នៅបន្តដល់សព្វថ្ងៃនេះ។
គួរបញ្ជាក់ផងដែរថា Paulo Dybala បានមកលេងឲ្យក្លឹប Juventus តាំងពីឆ្នាំ ២០១៥មក ដោយចូលរួមលេងបាន ២១៦ប្រកួតនិង រកបាន ៩១គ្រាប់៕
