- 2020-05-19 03:41:37
- បាល់ទាត់
មិនគួរឱ្យជឿ មនុស្សមានឥទ្ធិពលទាំង៥ក្នុងវិស័យបាល់ទាត់ អត់ជាប់ Messi
- 2020-05-19 03:41:37
- ចំនួនមតិ 0 | ចំនួនចែករំលែក 0
មិនគួរឱ្យជឿ មនុស្សមានឥទ្ធិពលទាំង៥ក្នុងវិស័យបាល់ទាត់ អត់ជាប់ Messi
ចន្លោះមិនឃើញ
France Football Magazine កាលពីថ្ងៃចន្ទកន្លងទៅ បានបង្ហាញបញ្ជីឈ្មោះមនុស្សដែលមានឥទ្ធិពលបំផុតក្នុងវិស័យបាល់ទាត់ ដោយក្នុងនោះអ្នកលេខ១ ពិតជាធ្វើឱ្យគេភ្ញាក់ផ្អើលជាខ្លាំង។
លោក Al-Khelaifi ម្ចាស់ក្លឹប PSG បានស្ថិតនៅចំណាត់ថ្នាក់លេខ១ ជាអ្នកមានឥទ្ធិពលបំផុតក្នុងវិស័យបាល់ទាត់បច្ចុប្បន្ននេះ។ លោក មិនត្រឹមតែជាប្រធានក្លឹប PSG នោះទេ ថែមទាំងជាប្រធានរបស់ BeIN Media Group ថែមទៀតផង។ សេដ្ឋីរូបនេះ ក៏ជាអ្នកនៅពីក្រោយក្នុងការរៀបចំធ្វើជាម្ចាស់ផ្ទះ World Cup 2022 ក្នុងប្រទេសកាតាផងដែរ។
អ្នកលេខ២ នោះគឺ Cristiano Ronaldo ។ កីឡាករបាល់ទាត់ម្នាក់នេះ ស្ថិតក្នុងចំណាត់ថ្នាក់លេខ២ ដោយសារតែរូបគេបានបង្កើតនិងបំបែកកំណត់ត្រាជាច្រើន។ Ronaldo ជាកីឡាករម្នាក់ផ្លាស់ក្លឹបលេងច្រើន និងទទួលបានជោគជ័យ ដោយការខិតខំប្រឹងប្រែងរបស់ខ្លួន។ សម្រាប់លេខ៣វិញគឺ Gianni Infantino ដែលជាប្រធាន FIFA ផ្ទាល់តែម្ដង។
អ្វីដែលគ្រប់គ្នាសឹងមិនគួរឱ្យជឿនោះ គឺ Messi ។ កំពូលកីឡាករនៅលើលោកនេះ មិនស្ថិតក្នុង Top3 ឬ Top5 នោះទេ ពោលគឺរូបគេស្ថិតនៅចំណាត់ថ្នាក់លេខ៧ឯណោះ។ ដោយលេខ៤គឺ Jurgen Klopp លេខ៥ Jorge Mendes ដែលជាភ្នាក់ងារកីឡាករល្បីឈ្មោះនិងលេខ៦គឺ Andrea Agnelli ដែលជាប្រធានក្លឹប Juventus ។
រំលឹកថា France Football Magazine នេះ គឺជាអ្នកបង្កើតពានរង្វាន់ Ballon d'Or ឡើង ហើយពួកគេបានសហការគ្នាជាមួយ FIFA ផងដែរកាលពីពេលកន្លងទៅ មុនចែកផ្លូវគ្នា។ ការសិក្សាវាយតម្លៃរបស់ពួកគេ ត្រូវបានធ្វើឡើងដោយយោងទៅតាមអ្វីដែលបុគ្គលម្នាក់ៗសម្រេចបាននាពេលកន្លងមក និងជួយក្នុងវិស័យបាល់ទាត់វិញ៕