ត្រឹម៧ម៉ោង វីដេអូ Ronaldo បង្ហាត់បាល់កូនប្រុសក្រោយផ្ទះមានមើលជាង១៧លានដង

2020-05-13 02:52:22
បាល់ទាត់

2020-05-13 02:52:22
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo បានបង្ហោះ វីដេអូដ៏កក់ក្ដៅមួយបង្ហាត់បាល់កូនប្រុសច្បង Cristiano Jr នៅក្រោយផ្ទះ ទទួលបានអ្នកចូលមើលជាង១៧លានដងត្រឹមរយៈពេល៧ម៉ោង។

តារារបស់ Juventus វ័យ៣៥ឆ្នាំ កំពុងត្រូវដាក់ដោយឡែករយៈពេល១៤ថ្ងៃ មុនពេលអាចចូលហ្វឹកហាត់ជាមួយក្រុមធំបាន។ Ronaldo មិនទាន់អាចជួបមិត្តរួមក្រុម Juventus បាននៅឡើយទេត្រូវដាក់ដោយឡែក២សប្ដាហ៍សិន បន្ទាប់ពីហោះពីកោះ Madeira ដែលជាកន្លែងគេចំណាយពេល២ខែរក្សាខ្លួន។

ជាមួយនឹង Serie A គ្រោងត្រលប់លេងវិញដោយប្រកួតគ្មានអ្នកទស្សនានៅប៉ុន្មានសប្ដាហ៍ទៀត ម្ចាស់ពាន Ballon d'Or ៥សម័យបានប្រឹងប្រែងហាត់ម្នាក់ឯងនៅផ្ទះ។ ខណៈពេលដែលកំពុងហាត់ខ្លួនឯង Ronaldo ក៏ឆ្លៀតពេលបង្ហាត់កូនប្រុសច្បង Cristiano Jr វ័យ៩ឆ្នាំផងដែរ។

វីដេអូដែលបង្ហោះលើគណនី Instagram បង្ហាញពី Ronaldo បង្ហាត់កូនប្រុសប៉ះបាល់ទៅវិញទៅមកលើលំហ។ ភ្ជាប់ជាមួយវីដេអូគេបានសរសេរជាភាសាអង់គ្លេសថា "Like father, like son :) Happiness above all”។ អ្វីដែលអស្ចារ្យត្រឹមរយៈពេល៧ម៉ោងវីដេអូមួយនេះមានអ្នកចូលមើលដល់ទៅជាង១៧លានដង។

Cristiano Jr ត្រូវបានរំពឹងអាចដើរតាមគន្លងរបស់ឪពុក។ កាលពីរដូវកាលមុនកុមារម្នាក់នេះរកបាន៥៨គ្រាប់ក្នុងការបង្ហាញខ្លួន២៨ប្រកួតឲ្យ Juventus U-9 ឆ្នាំ៕