វីរបុរសអង់គ្លេសថា កីឡាករមិនមែនអាជីព រកការងារផ្សេងទៅ

2020-04-23 13:42:24
ព័ត៌មាន

2020-04-23 13:42:24
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Gary Neville អតីតគ្រូបង្គោលក្លឹប Valencia បាននិយាយផ្ដល់យោបល់ទៅកាន់កីឡាករមិនអាជីពនៅលីគអង់គ្លេស តាមសារព័ត៌មាន Sky Sports កាលពីពេលថ្មីៗនេះថា ពួកគេគួរតែរកអាជីពអ្វីមួយផ្សេងខុសពីបាល់ទាត់ទៅ។

លោក Naville បាននិយាយថា ៖ " ខ្ញុំគិតថាឥឡូវហ្នឹងពួកគេមិនទាន់មានបញ្ហាអីរឿងកុងត្រាទេ តែពីរខែទៅមុខនេះវានឹងកើតឡើង។ នៅពេល ១៨ខែខាងមុខហ្នឹងវាពិតជាពិបាកបន្តិចហើយក្នុងការចុះកុងត្រាជាមួយក្លឹប ដោយសារតែពួកគេអត់មានលុយទេ។ "

អតីតគ្រូបង្គោលរូបនេះបានបន្ត ៖ " ប្រសិនបើខ្ញុំជាកីឡាករនៅពេលនេះវិញ ខ្ញុំនឹងរៀនតាមអនឡាញ ដើម្បីយកជំនាញអីមួយហើយ ខ្ញុំនឹងរកជំនាញអ្វីខុសពីទាត់បាល់។ "

យ៉ាងណាមិញ លោកក៏បានបន្ថែមថា លោកមិនមែននិយាយនេះក្នុងន័យបន្លាចពួកគេទេ គ្រាន់តែចង់ឲ្យរកអ្វីផ្សេងខុសពីបាល់ទាត់ប៉ុណ្ណោះ ដោយសារតែក្លឹបនឹងគ្មានលទ្ធភាពក្នុងការឲ្យប្រាក់ខែគេទេ ក្នុងពេលកូវីដ-១៩នេះ៕

ប្រភព៖ Dailymail ប្រែសម្រួល៖ ហ៊ីម រស្មី