- 2020-04-01 14:03:47
- ព័ត៌មាន
Boateng ជួបគ្រោះថ្នាក់ចរាចរណ៍ខូចខាតឡានយ៉ាងដំណំ
- 2020-04-01 14:03:47
- ចំនួនមតិ 0 | ចំនួនចែករំលែក 0
Boateng ជួបគ្រោះថ្នាក់ចរាចរណ៍ខូចខាតឡានយ៉ាងដំណំ
ចន្លោះមិនឃើញ
ខ្សែការពារក្លឹប Bayern Munich កីឡាករ Jerome Boateng ត្រូវបានគេប្រទះឃើញជួបគ្រោះថ្នាក់ចរាចរណ៍ ដែលបង្កឲ្យរថយន្តរបស់ខ្លួនខូចខាតយ៉ាងដំណំនៅឯប្រទេសអាល្លឺម៉ង់កាលពីពេលថ្មីៗនេះ។
មូលហេតុដែល Boateng ជួបគ្រោះថ្នាក់បែបនេះដោយសារតែខ្លួនគេផ្ទាល់មានការធ្វេសប្រហែសក្នុងការបញ្ជាយានយន្តដោយខ្លួនឯង ហើយក៏បានជ្រុលទៅបុកនឹងរនាំងនៅខាងផ្លូវ។
ទោះជាយ៉ាងណាខ្សែការពារវ័យ ៣១រូបនេះមិនមានរងរបួសអ្វីឡើយគ្រាន់មានការខូចខាតរថយន្តរបស់ខ្លួនប៉ុណ្ណោះ ដោយទំហំខូចខាតនេះត្រូវបានសារព័ត៌មាន TVO ប៉ាន់ប្រមាណថាត្រូវជួសជុលឡើងវិញអស់ប្រមាណជាង ២៧,០០០ដុល្លារ។
គួរបញ្ជាក់ផងដែរ Boateng មានបំណងចង់ធ្វើដំណើរទៅជួបកូនរបស់ខ្លួនដោយសារតែនៅប្រទេសអាល្លឺម៉ង់មិនទាន់មានការហាមឃាត់ក្នុងដំណើរដើម្បីទប់ស្កាត់ជំងឺកូវីដ-១៩នៅឡើយ តែជាអកុសលកីឡាករបែរជាជួបគ្រោះថ្នាក់ចរាចរណ៍បែបនេះទៅវិញ៕