Ferdinand ចង់ឲ្យ Premier League ឆាចោលមិនបាច់លេងទៀតទេ ក្រោមមូលហេតុមួយចំនួន

2020-03-24 02:01:01
បាល់ទាត់

2020-03-24 02:01:01
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Rio Ferdinand និយាយថា Premier League រដូវកាលនេះគួរតែរំសាយចោលទៅ។ បើរឿងនេះកើតឡើងមែនវាគឺការខកចិត្តសម្រាប់ Liverpool ដែលរកចាំឱកាសលើកពានជាលើកដំបូងរយៈពេល៣០ឆ្នាំ។

ការរាតត្បាតនៃវីរុសកូរ៉ូណាបានញាំញីយុទ្ធនាការប្រកួតផ្អាករហូតដល់ថ្ងៃទី ៣០ ខែ មេសា ស្របពេលដែល Premier League បានពង្រីកពេលវេលាប្រកួតដើម្បីបញ្ចប់ការប្រកួតដែលនៅសល់។

យ៉ាងណាមិញ វិបត្តិវីរុសកូរ៉ូណាហាក់មិនទាន់បង្ហាញសញ្ញាធ្លាក់ចុះនៅឡើយទេក្នុងរយៈពេលខ្លីខាងមុខ វាអាចនឹងបន្តរាតត្បាតច្រើនខែទៀត មុនពេលបាល់ទាត់បន្ត។ មានមន្ទិលជាច្រើនពីអ្នកគាំទ្រថាតើការប្រកួតគួរតែបញ្ចប់ឬផ្ដល់ពានទៅឲ្យ Liverpool ដែលកំពុងដាច់២៥ពិន្ទុលើ Manchester City។

សម្រាប់ Ferdinand ដែលជាអ្នកវិភាគបាល់ទាត់មួយរូបយល់ឃើញថា PL គួរតែរំសាយ ក្រោមមូលហេតុមិនស្មើភាពនិងការឆ្លងទៅកីឡាករ។ អតីតកីឡាករ United លើកឡើងថា ដោយសារក្រុមមួយចំនួនមានកីឡាករឆ្លង ដូច្នេះអាចធ្វើឲ្យមិនមានភាពស្មើគ្នាសម្រាប់ក្រុមខ្លះ។ មួយវិញទៀតទោះបីលេងបិទទ្វារក៏ដោយ ប៉ុន្តែបញ្ហាឆ្លងពីកីឡាករម្នាក់ទៅម្នាក់នៅតែមានប្រសិនពួកគេលេងជាមួយគ្នា។ ក្ដីបារម្ភមួយទៀតអ្នកគាំទ្របន្តជួបជុំនៅខាងក្រៅកីឡដ្ឋាន អាចបន្តមានការឆ្លង៕

ប្រភព៖ Dailymail ប្រែសម្រួល៖ ហេង សុធារិទ្ធិ