TN KANDAL FC ឈ្នះ៥ប្រកួតជាប់គ្នាធ្វើឲ្យកីឡាកររឹតតែមានឆន្ទៈខ្ពស់ចង់ឈ្នះពាន KW Cambodia League

2020-03-18 03:35:51
បាល់ទាត់

2020-03-18 03:35:51
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគ្រប់គ្រងក្រុមបាល់ទាត់ TN KANDAL FC ការឈ្នះ៥ប្រកួតជាប់ៗគ្នា និងឈ្នះក្រុមខ្លាំង២ក្រុមមកនេះធ្វើឲ្យកីឡាករគ្រប់រូបរបស់ខ្លួនមានឆន្ទៈខ្ពស់ចង់ឈ្នះពានរង្វាន់ KW Cambodia League ។

រូបភាពគូ ISI

តំណាងក្រុម TN KANDAL FC បានឲ្យដឹងថា ការប្រកួតជាមួយ AVATAR FC កាលពីថ្ងៃអាទិត្យ ទី១៥ កន្លងទៅនេះគឺពិតជាពិបាក និងស្វិតស្វាញបំផុតទម្រាំអាចយកឈ្នះបាន ព្រោះដឹងហើយថាក្រុមនេះជាក្រុមខ្លាំងមួយ។ ការប្រកួតនេះគឺអាចនិយាយបានថាតានតឹងដូច TN KANDAL FC ប៉ះជាមួយ ISI អញ្ចឹងដែរ។

រូបភាពគូ ISI

ចំណុចខ្លាំងដែលធ្វើឲ្យ TN KANDAL FC លេងបានល្អ និងឈ្នះ៥ប្រកួតជាប់ៗគ្នាឈរលើកំពូលតារាងនេះដោយសារ ទី១ វិន័យ កីឡាករគ្រប់គ្នាមានមកហ្វឹកហាត់បានទៀងទាត់និងត្រឹមត្រូវល្អ។ ទី២ កីឡាករគ្រប់គ្នាមានឆន្ទៈជាក្រុម រួមទាំងមានការចែករំលែកបទពិសោធបានច្រើនពីសំណាក់កីឡាករអាជីពចាស់ៗ។ ទី៣ ការលេងជាក្រុម មិនមានទេការលេងជាបក្សជាពួក។ ជ័យជម្នះជាបន្តបន្ទាប់នេះពិតជាជួយជំរុញឲ្យកីឡាករមានចិត្តខ្លាំងដើម្បីខំប្រឹងឈានទៅរកការឈ្នះពាននៅចប់រដូវកាល ឆ្នាំ២០២០ នេះ។

លទ្ធផលសប្ដាហ៍ទី៥

រំលឹកដែរថា សម្រាប់ការប្រកួតសន្សំពិន្ទុសប្ដាហ៍ទី៥ នៃពានរង្វាន់ពាក់កណ្ដាលអាជីព KW Cambodia League កាលពីថ្ងៃអាទិត្យនេះ ក្រុម TN KANDAL FC បានយកឈ្នះក្រុមខ្លាំង AVATAR FC ៣-១។ បច្ចុប្បន្ននេះក្រុម TN KANDAL FC ឈរកំពូលតារាង KW Cambodia League កំពុងមាន ១៥ពិន្ទុ ប្រកួតបាន៥ដង៕

អត្ថបទ៖ នួន ស៊ីណា