- 2020-03-16 03:26:37
- បាល់ទាត់
គ្រូ Angkor Tiger ថាអាជ្ញាកណ្ដាលឱ្យកាតក្រហម Yudai Ogawa គឺយុត្តិធម៌
- 2020-03-16 03:26:37
- ចំនួនមតិ 0 | ចំនួនចែករំលែក 0
គ្រូ Angkor Tiger ថាអាជ្ញាកណ្ដាលឱ្យកាតក្រហម Yudai Ogawa គឺយុត្តិធម៌
ចន្លោះមិនឃើញ
គ្រូបង្គោលរបស់ Angkor Tiger លោក Oriol Mohedano បានប្រាប់ Sabay ក្រោយចប់ការប្រកួតរវាងភ្នំពេញក្រោន និង Angkor Tiger កាលពីម្សិលមិញថា អាជ្ញាកណ្ដាលផ្ដល់កាតក្រហមឱ្យ Yudai Ogawa កូនក្រុមរបស់ខ្លួនគឺយុត្តិធម៌ មិនលំអៀងឡើយ។
លោក Oriol Moheda សង្កត់ធ្ងន់បែបនេះ ៖«ខ្ញុំពិតជាសោកស្ដាយ ខ្ញុំមិនចង់ឱ្យមានរឿងនេះកើតឡើងក្នុងទីលានទេ មិនមែនតែពេលនេះ គឺមិនចង់ឱ្យកើតមានតែម្ដង។ កាតក្រហមគឺយុត្តិធម៌ ហើយខ្ញុំត្រូវការពារ នឹងមិនឱ្យកើតឡើងទៀតឡើយ»។
កីឡាករ Yudai Ogawa ជាខ្សែបម្រើដ៏ល្អមួយរូបរបស់ Angkor Tiger។ រូបគេនឹងត្រូវខកខានលេងមួយប្រកួតនៅសប្ដាហ៍ទី៦។ ចំពោះការអវត្តមានរបស់ខ្សែបម្រើសញ្ជាតិជប៉ុននេះ គ្រូបង្គោលសញ្ជាតិអេស្ប៉ាញ Mohedano ថាមិនប៉ះពាល់ដល់ក្រុមឡើយ ព្រោះលោកមានកីឡាករច្រើន ដើម្បីជំនួសរូបគេ។
នៅវគ្គថែមម៉ោង ៣នាទីចុងក្រោយ Yudai Ogaw ដណ្ដើមបាល់បានរួចអូសឡើងលើ ប៉ុន្តែត្រូវ Nieto Andres ខ្សែប្រយុទ្ធភ្នំពេញក្រោនធ្វើឱ្យដួល។ ដោយទប់កំហឹងមិនបាន Yudai បានយកក្បាលបុកទ្រូង Nieto បង្កជាកំហុសកាតក្រហម ត្រូវអាជ្ញាកណ្ដាលបណ្ដេញចេញ។ ចប់ការប្រកួតនៃការប្រកួតដណ្ដើម ពានរង្វាន់លីគកំពូលកម្ពុជាសប្ដាហ៍ទី៥ ភ្នំពេញក្រោនបានយកឈ្នះក្រុមភ្ញៀវ Angkor Tiger ១-០ ឈរកំពូលតារាងបណ្ដោះអាសន្ន មាន១៣ពិន្ទុក្នុងដៃ ខណៈ Angkor Tiger ឈរលេខរៀងទី៤ មាន៨ពិន្ទុ៕