- 2020-03-11 02:08:45
- បាល់ទាត់
រឿងធំហើយ Man City ប៉ះ Arsenal ត្រូវផ្អាកភ្លាម ក្រោយពីកីឡាករកាំភ្លើងធំ ជួបអ្នកផ្ទុក Corona
- 2020-03-11 02:08:45
- ចំនួនមតិ 0 | ចំនួនចែករំលែក 0
រឿងធំហើយ Man City ប៉ះ Arsenal ត្រូវផ្អាកភ្លាម ក្រោយពីកីឡាករកាំភ្លើងធំ ជួបអ្នកផ្ទុក Corona
ចន្លោះមិនឃើញ
ការប្រកួតរវាងក្រុម Manchester City និង Arsenal ត្រូវបានប្រកាសផ្អាកភ្លាមៗតែម្ដង ក្រោយពីមានកីឡាករកាំភ្លើងធំមួយចំនួន បានប្រាស្រ័យទាក់ទងជាមួយម្ចាស់ក្លឹប Olympiacos ដែលមានមេរោគ Covid-19 ។
លោក Evangelos Marinakis ដែលជាម្ចាស់ក្លឹប Olympiacos និង Nottingham Forest ត្រូវបានគេរកឃើញថាមានមេរោគ Covid-19 ក្នុងខ្លួន ខណៈដែលលោកក៏ទើបត្រលប់ពីការទៅទស្សនានៅ Emirates របស់ក្រុម Arsenal ផងដែរ។ អំឡុងពេលទៅលេងក្លឹបកាំភ្លើងធំនេះ លោកបានជួបនិយាយជាមួយកីឡាករច្រើននាក់ដែរ ដែលបណ្ដាលឱ្យមានការសង្ស័យច្រើនទាក់ទងនឹងការឆ្លងមេរោគ។
កត្ដានេះហើយ ទើបបណ្ដាលឱ្យការប្រកួតរវាងក្រុម Man City និង Arsenal ត្រូវបានគេប្រកាសផ្អាកភ្លាមតែម្ដង។ ការប្រកាសពីកីឡាករដែលបានទាក់ទងជាមួយលោក Marinakis នេះ គឺក្លឹប Arsenal ជាអ្នកប្រកាសផ្ទាល់ ហើយបច្ចុប្បន្នកំពុងតាមដានបន្ដទៀតលើករណីនេះ៕