- 2020-03-10 05:18:02
- បាល់ទាត់
Goldman Sachs Gives និង ISF រួមគ្នានាំយកនូវឱកាសក្នុងការលេងបាល់ទាត់ទៅដល់កុមារីនៅកម្ពុជា
- 2020-03-10 05:18:02
- ចំនួនមតិ 0 | ចំនួនចែករំលែក 0
Goldman Sachs Gives និង ISF រួមគ្នានាំយកនូវឱកាសក្នុងការលេងបាល់ទាត់ទៅដល់កុមារីនៅកម្ពុជា
ចន្លោះមិនឃើញ
អង្គការផ្កាយសមុទ្រ ហៅកាត់ ISF នឹងប្រារព្ធពិធីអបអរសាទរការចូលរួមរបស់កុមារីក្នុងសកម្មភាពកីឡានៅឯកម្មវិធីប្រកួតបាល់ទាត់កុមារីប្រចាំឆ្នាំ Goldman Sachs Gives – ISF Girls’ Tournament ។
កម្មវិធីអបអរសាទរនេះ ធ្វើឡើងកាលពីថ្ងៃទី៧ខែមីនាឆ្នាំ ២០២០កន្លងទៅ ពោលគឺមុន១ថ្ងៃ នៃទិវាសិទ្ធិនារីអន្តរជាតិ។ កម្មវិធីនេះមានកុមារីប្រមាណ៤០៨នាក់ចូលរួម និងប្រកួតបាល់ទាត់ជាមួយគ្នាលើទីលានអង្គការផ្កាយសមុទ្រផ្ទាល់តែម្ដង។ កញ្ញា ជួប វិច្ឆិកា បានថ្លែងថា៖ “កីឡាបាល់ទាត់ផ្តល់សិទ្ធិអំណាចដល់សហគមន៍ជាច្រើន ដោយមិនរើសអើងពីសមត្ថភាពរបស់ពួកគេនោះទេ។ គម្រោងរបស់យើងមានគោលដៅធ្វើការជាមួយនឹងប្រជាជនមកពីក្រុមខុសៗគ្នា ហើយយើងក៏អាចប្រើប្រាស់បាល់ទាត់ធ្វើជាឧបករណ៍ក្នុងការកសាងបុគ្គលិកលក្ខណៈ និងបណ្តុះគុណតម្លៃពេញមួយជីវិតផងដែរ”។
រំលឹកផងដែរថា ឱកាសសម្រាប់កុមារីក្នុងការលេងបាល់ទាត់គឺស្ទើរតែមិនមានច្រើននោះទេនៅកម្ពុជា ជាពិសេសសម្រាប់កុមារីដែលមកពីគ្រួសារក្រីក្រ។ កុមារីជាច្រើនមិនត្រូវបានលើកទឹកចិត្តឲ្យឈានជើងចូលក្នុងទីលានបាល់ទាត់នោះទេ ដោយសារតែកីឡាជាទូទៅត្រូវបានគេគិតថាគឺសម្រាប់តែកុមារាតែប៉ុណ្ណោះ ហើយអង្គការផ្កាយសមុទ្រកំពុងតែធ្វើការផ្លាស់ប្តូរផ្នត់គំនិតបែបនោះ៕
