/5e60a677c8167_1583392320_medium.jpg)
- 2020-03-05 07:16:40
- បាល់ទាត់
Ronaldinho ត្រូវប៉ូលិសឃាត់ខ្លួន ដោយសារប្រើលិខិតឆ្លងដែនក្លែងក្លាយ
- 2020-03-05 07:16:40
- ចំនួនមតិ 0 | ចំនួនចែករំលែក 0
Ronaldinho ត្រូវប៉ូលិសឃាត់ខ្លួន ដោយសារប្រើលិខិតឆ្លងដែនក្លែងក្លាយ
ចន្លោះមិនឃើញ
វីរបុរសបាល់ទាត់របស់ប្រេស៊ីល Ronaldinho ត្រូវបានឃាត់ខ្លួននៅឯប្រទេសប៉ារ៉ាហ្គាយ ចោទពីបទប្រើ លិខិតឆ្លងដែនក្លែងក្លាយចូលទៅកាន់ប្រទេសស្ថិតនៅតំបន់អាមេរិកខាងត្បូង។
បុរសវ័យ៣៩ឆ្នាំ ដែលឈ្នះពាន World Cup ជាមួយប្រេស៊ីលកាលពីឆ្នាំ២០០២ ត្រូវបានឃាត់ខ្លួននៅឯសណ្ឋាគារ Resort Yacht & Golf Club Paraguayo ជាមួយបងប្អូនប្រុសរបស់គេ Roberto កាលពីយប់មិញ។ នេះបើតាមការបញ្ជាក់របស់ក្រសួងមហាផ្ទៃរបស់ប៉ារ៉ាហ្គាយ។
លិខិតឆ្លងដែនបានរកឃើញនៅឯសណ្ឋាគារដែលមានឈ្មោះ Ronaldinho និង Roberto កាន់សញ្ជាតិប៉ារ៉ាហ្គាយ។ តាមមន្ត្រីប៉ូលិសបានបញ្ចេញឲ្យដឹង Ronaldinho ទៅប្រទេសប៉ារ៉ាហ្គាយគឺតាមរយៈការអញ្ជើញម្ចាស់កាស៊ីណូម្នាក់ឈ្មោះថា Nelson Belotti។
Ronaldinho ត្រូវបានដកលិខិតឆ្លងដែនសញ្ជាតិប្រេស៊ីល ព្រោះខកខានមិនបានបង់ប្រាក់ពិន័យទាក់ទងនឹងការធ្វើឲ្យខូចខាតបរិស្ថានកាលពីឆ្នាំ២០១៨៕
