- 2020-03-01 00:00:00
- បាល់ទាត់
គ្រូវិសាខា៖ ប៉ះក្រុមភ្ញៀវសូលទីឡូអង្គរថ្ងៃនេះយើងនឹងព្យាយាមយក ៣ពិន្ទុ
- 2020-03-01 00:00:00
- ចំនួនមតិ 0 | ចំនួនចែករំលែក 0
គ្រូវិសាខា៖ ប៉ះក្រុមភ្ញៀវសូលទីឡូអង្គរថ្ងៃនេះយើងនឹងព្យាយាមយក ៣ពិន្ទុ
ចន្លោះមិនឃើញ
គ្រូបង្វឹកក្លឹបបាល់ទាត់វិសាខា ថាទទួលភ្ញៀវសូលទីឡូអង្គរថ្ងៃនេះ នឹងព្យាយាមយកឈ្នះដើម្បីទទួលបាន៣ពិន្ទុនាការប្រកួតសប្ដាហ៍ទី៣ ពានរង្វាន់បាល់ទាត់លីគកម្ពុជារដូវកាលថ្មី ឆ្នាំ២០២០ ។
លោក Colum Gerard គ្រូបង្វឹករបស់ វិសាខា បានឲ្យពីម្សិលមិញនេះថា សម្រាប់ការប្រកួតជាមួយ ក្រុមសូលទីឡូអង្គរ ជាការប្រកួតដ៏មានសារសំខាន់មួយ។ ក្រុមទាំងមូលនឹងត្រូវធ្វើការច្រើននាការប្រកួតសប្ដាហ៍ទី៣ នៃការប្រកួតសន្សំពិន្ទុនេះ។ ក្រុមភ្ញៀវខាងលើនេះគឺមានទម្រង់លេងល្អ។ ប៉ុន្តែលោកផ្ទាល់បានដឹងពីការសមត្ថភាពក៏ដូចជាកម្រិតរបស់ក្រុមមកពីសៀមរាបមួយនេះ យ៉ាងណាមិញនឹងព្យាយាមយក៣ពិន្ទុឲ្យបាន។
ចំពោះបរាជ័យនៅសប្ដាហ៍មុន ឬការខ្វះខាតកន្លងទៅនោះ គឺត្រូវតែកែប្រែបំពេញបន្ថែមនៅចំណុចមិនល្អនោះឡើងវិញ រួមទាំងការរៀបចំនៅតំបន់ប្រយុទ្ធផងដែរ ដូច្នេះហើយគ្រូបង្វឹកថ្មីថ្មោងរបស់ វិសាខា ខាងលើសង្ឃឹមថាក្រុមនឹងធ្វើបានល្អថ្ងៃនេះទទួលបានជ័យជម្នះ។
រំលឹកដែរថា ការប្រកួតសន្សំពិន្ទុនៃលីគកំពូលកម្ពុជា ឆ្នាំ២០២០ នេះឈានដល់សប្ដាហ៍ទី៣ ហើយ ខណៈម្សិលមិញនេះគឺមាន៣គូបានបញ្ចប់ការប្រកួតរបស់ខ្លួន។ ដោយឡែកសម្រាប់ថ្ងៃអាទិត្យនេះគឺមាន៣គូទៀតដែលត្រូវប្រកួតរួមមាន អង្គរថាហ្គឺរ ប៉ះ គីរីវង់សុខសែនជ័យ (ម៉ោង៣រសៀល) ព្រះខ័នរាជស្វាយរៀង ប៉ះ កងយោធពលខេមរភូមិន្ ទ(ម៉ោង៦ល្ងាច) និង វិសាខា ប៉ះ សូលទីឡូអង្គរ (ម៉ោង៦ល្ងាច) នៅកីឡដ្ឋាន ព្រីនស៍។ ចំពោះក្រុមវិសាខា បច្ចុប្បន្ននេះមាន៣ពិន្ទុ ប្រកួតបាន២ដង ឈ្នះ ១ និងចាញ់ ១ ៕
