- 2020-02-22 07:53:35
- បាល់ទាត់
Lampard នឹងមិនទុកមុខឱ្យ Mourinho ទេក្នុងការប្រកួតយប់នេះ
- 2020-02-22 07:53:35
- ចំនួនមតិ 0 | ចំនួនចែករំលែក 0
Lampard នឹងមិនទុកមុខឱ្យ Mourinho ទេក្នុងការប្រកួតយប់នេះ
ចន្លោះមិនឃើញ
អ្នកចាត់ការក្រុម Prank Lampard បានបោះសម្ដីថា នឹងមិនទុកមុខឱ្យលោកអតីតអ្នកចាត់ការរបស់ខ្លួន Jose Mourinho ឡើយ ក្នុងជំនួបក្រុមតោខៀវ Chelsea និងក្រុមខ្នាយមាន់មាស Spurs។
ការលើកឡើងបែបនេះដោយសារតែ អតីតកីឡាករក្រុមតោខៀវ Lampard មើលឃើញ Spurs មានកីឡាកររបួសច្រើនជាពិសេស ខ្សែប្រយុទ្ធសំខាន់ពីរដួង Harry Kane និង Son Heung-min។
អ្នកចាត់ការទូទៅ Lampard បានបន្តថា ៖«ខ្ញុំគិតថាយើងមានអារម្មណ៍ដូចអ្នកគ្រប់គ្រងទាំងអស់។ ពេលអ្នកមានកីឡាករច្រើនរបួស អ្នកនឹងនឹកពួកគេប៉ុណ្ណា»។
លោក Mourinho បានពណ៌នាពីស្ថានភាពរបួសរបស់ក្រុមលោកថា ជាស្ថានភាពអាក្រក់បំផុតនៅអឺរ៉ុប ខ្សែប្រយុទ្ធទាំងពីរ ត្រូវសម្រាករយៈពេលវែង។ ក្រៅពី Kane និង Son កីឡាករ Juan Foyth និង Moussa Sissoko ក៏មិនបានលេងដែរ។
ចំណែក Chelsea ក៏មានស្ថានភាពមិនសូវល្អដែរក្នុងរដូវកាលនេះ ពោលគឺកីឡាករ N'Golo Kante, Christian Pulisic និង Callum Hudson-Odoi ទំនងអវត្តមានក្នុងការប្រកួតក្នុងទឹកដី Stamford Bridge យប់ថ្ងៃសៅរ៍នេះ៕