- 2020-02-21 01:54:24
- បាល់ទាត់
Arsenal ឈ្នះក្រៅដី អភ័ព្វ Man Utd បានត្រឹមស្មើជាមួយ Club Bruges
- 2020-02-21 01:54:24
- ចំនួនមតិ 0 | ចំនួនចែករំលែក 0
Arsenal ឈ្នះក្រៅដី អភ័ព្វ Man Utd បានត្រឹមស្មើជាមួយ Club Bruges
ចន្លោះមិនឃើញ
ក្លឹបកាំភ្លើងធំ Arsenal ធ្វើបានល្អមែនសម្រាប់ជើងទីមួយ Europa League កាលពីយប់មិញបានយកឈ្នះ Olympiacos ១-០នៅក្រៅដី។
មួយគ្រាប់របស់ Arsenal កើតឡើងនៅនាទី៨១ ទាត់បញ្ចូលទីដោយខ្សែប្រយុទ្ធសញ្ជាតិបារាំង Alexandre Lacazette បន្ទាប់ពីមានការបញ្ជូនពីមិត្តរួមក្រុម Bukayo Saka។ លទ្ធផល ១-០ បានបន្សល់ដល់ចប់ការប្រកួត ជួយ Arsenal ឈ្នះក្រៅដី ជាកាដូដ៏ពិសេសទុកសម្រាប់លេងក្នុងដីខ្លួនឯងវិញម្ដង។
ចំណែកក្រុមរួម Premier League ជាមួយគ្នាគឺ Manchester United លេងបានត្រឹមស្មើជាមួយម្ចាស់ផ្ទះ Club Brugge ១-១ ប៉ុណ្ណោះ។ Club Brugge ជាអ្នករកគ្រាប់បានមុននាទី១៥ ដោយកីឡាករ Emmanuel Dennis មុនពេល Anthony Martial រកគ្រាប់តាមស្មើឲ្យបិសាចក្រហមវិញនាទី៣៦។
សម្រាប់ការប្រកួតជើងទីពីររបស់២គូខាងលើត្រូវលេងនៅថ្ងៃទី ២៧ ខែ កុម្ភៈខាងមុខ។
