- 2020-02-11 11:04:13
- បាល់ទាត់
Mourinho កើតអី បានកោរសក់ឡើងត្រងោលអញ្ចឹង?
- 2020-02-11 11:04:13
- ចំនួនមតិ 0 | ចំនួនចែករំលែក 0
Mourinho កើតអី បានកោរសក់ឡើងត្រងោលអញ្ចឹង?
ចន្លោះមិនឃើញ
លោក Jose Mourinho អ្នកចាត់ការក្លឹប Tottenham Hotspur បានបង្ហាញនូវម៉ូដសក់ថ្មី ដោយមានលក្ខណៈត្រងោលតែម្ដង។ ទាក់ទិននឹងរឿងនេះដែរ លោកបានប្រាប់សារព័ត៌មាន Sky Sports ថា លោកចង់មានម៉ូដសក់ថ្មី តែលោកបានលង់លក់នៅលើកៅអីជាងកាត់សក់។
លោកបានលើកឡើងថា៖ " ពេលខ្លះខ្ញុំចង់ឲ្យមានអារម្មណ៍ផ្ទាល់ទៅនឹងអាកាសធាតុត្រជាក់ ហើយខ្ញុំចង់ដូរម៉ូដសក់បន្តិច ប៉ុន្តែនេះជារឿងមួយផ្សេងទៀត " ។
លោកបានបន្តថា៖ " ខ្ញុំបានដេកលក់ ពេលកាត់សក់ ហើយពេលភ្ញាក់ឡើងវាមើលអាក្រក់ពេក ខ្ញុំក៏ប្រាប់ជាងឲ្យឈូសដាក់លេខ ១ តែម្ដង។ សង្ឃឹមថា វានឹងដុះស្អាតឡើងវិញ " ។
គួរបញ្ជាក់ផងដែរថា លោក Mourinho នៅពេលនេះដែរ កំពុងតែសម្រាកវិស្សមកាលរដូវរងា ដោយ Spurs នឹងចូលប្រកួតវិញនៅថ្ងៃទី១៦ ខែកុម្ភៈ ដោយនឹងត្រូវប៉ះជាមួយ Aston Villa៕