Fernandes ថា Ronaldo ធ្វើឱ្យគេស្រលាញ់ Manchester United

2020-01-31 08:10:00
បាល់ទាត់

2020-01-31 08:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយឈានជើងចូលទ្រនំថ្មី Manchester United ក្នុងតម្លៃខ្លួន ៦៨លានផោន កីឡាករ Bruno Fernandes បាននិយាយថា Cristano Ronaldo គឺជាអ្នកធ្វើឱ្យរូបគេស្រលាញ់ និងជាអ្នកគាំទ្រផ្គាប់មុខរបស់ក្លឹបអង់គ្លេសមួយនេះ។

ក្នុងបរិវេណហ្វឹកហាត់ United's AON កាលពីថ្ងៃព្រហស្បតិ៍ ខ្សែបម្រើកណ្ដាលរូបនេះបានឱ្យថា៖ "ក្ដីស្រលាញ់របស់ខ្ញុំចំពោះ Manchester United បានកើតឡើង ពេលដែលខ្ញុំមើល Cristiano Ronaldo លេង ហើយចាប់តាំងពីពេលនោះមក ខ្ញុំបានក្លាយជាអ្នកគាំទ្រផ្គាប់មុខរបស់ក្លឹបធំមួយនេះ"។

កីឡាករសញ្ជាតិព័រទុយហ្គាល់ មិននឹកស្មានទេថា ខ្លួនអាចលេងឱ្យក្រុមបិសាចក្រហមទេ ហើយកីឡាករដែលទើបផ្ទេរចេញពី Sporting Lisbon ក្ដៅៗនេះ ក៏បានសន្យាជាមួយអ្នកគាំទ្រ នឹងធ្វើអ្វីៗគ្រប់យ៉ាង ដើម្បីជួយក្លឹបនៅ Old Trafford ឱ្យកាន់តែជោគជ័យ និងដណ្ដើមពានឱ្យបានច្រើនផងដែរ។

យ៉ាងណាខ្សែបម្រើកណ្ដាលវ័យ២៥ឆ្នាំ ក៏អរគុណដល់ក្លឹបចាស់ Sporting សម្រាប់រឿងគ្រប់យ៉ាង និងអរគុណដល់អ្នកចាត់ការក្រុមលោក Ole រួមទាំងអ្នកគ្រប់គ្នានៅ Manchester United ចំពោះការទុកចិត្តមកលើរូបគេ។