/5deb2256af943_1575690780_medium.jpg)
- 2019-12-07 06:42:41
- បាល់ទាត់
ក្រោយបន្ថយទណ្ឌកម្ម Chelsea ចោទ FIFA ថា ធ្វើការអយុត្តិធម៌
- 2019-12-07 06:42:41
- ចំនួនមតិ 0 | ចំនួនចែករំលែក 0
ក្រោយបន្ថយទណ្ឌកម្ម Chelsea ចោទ FIFA ថា ធ្វើការអយុត្តិធម៌
ចន្លោះមិនឃើញ
បន្ទាប់ពីតុលាការមជ្ឈត្តកម្មកីឡា (CAS) បន្ធូរបន្ថយទណ្ឌកម្មទីផ្សារកីឡាករត្រឹមពាក់កណ្ដាល Chelsea មានសិទ្ធិនាំចូលកីឡាករនៅខែមករានេះបានវិញហើយ។ យ៉ាងណាមិញ ក្លឹបនេះចេញសេចក្ដីថ្លែងការណ៍មួយ ដែលបង្ហាញពីភាពកើតទុក្ខមិនសុខចិត្តទៅលើការចាត់វិធានការរបស់ FIFA។
សេចក្ដីថ្លែងការណ៍នោះមានខ្លឹមសារថា៖ " ចំណាត់ការរបស់ FIFAបង្កភាពមិនសប្បាយចិត្តយ៉ាងខ្លាំង ដោយ FIFA សម្រេចចាត់វិធានការលើ Manchester City ខុសគ្នាដាច់ពីក្លឹប Chelsea '' ។
'' Chelsea គោរពនូវសារៈសំខាន់នៃការបំពេញការងាររបស់ FIFA ទាក់ទងនឹងការពារនៃអនីតិជន ប៉ុន្តែប្រសិនបើ FIFA បន្តនូវការដាក់ទណ្ឌកម្មមិនស្មើភាពគ្នា និងមិនត្រឹមត្រូវទៅលើក្លឹបបាល់ទាត់នានា នោះគោលបំណងនៃបទបញ្ញត្តិនឹងត្រូវបាត់បង់តម្លៃ ហើយភាពជឿជាក់ទៅលើ FIFA ដែលជាស្ថាប័នចាត់ចែងលើរឿងច្បាប់វិន័យទាំងអស់នេះ ក៏នឹងត្រូវបាត់បង់ទំនុកចិត្តផងដែរ " ។
គួរបញ្ជាក់ផងដែរថា Manchester City កន្លងមកក៏បានល្មើសទៅនឹងច្បាប់ស្រដៀងគ្នានឹង Chelsea ប៉ុន្តែគេចផុតពីទណ្ឌកម្មទីផ្សារកីឡាករ ដោយបង់ពិន័យជាទឹកប្រាក់ចំនួនជាង ៤០ម៉ឺនដុល្លារ៕
