- 2019-11-18 08:15:14
- បាល់ទាត់
ឈរលេខ១ក្នុងពូល ក្រុមវៀតណាម បានរង្វាន់២៤ម៉ឺនដុល្លារទៅហើយ
- 2019-11-18 08:15:14
- ចំនួនមតិ 0 | ចំនួនចែករំលែក 0
ឈរលេខ១ក្នុងពូល ក្រុមវៀតណាម បានរង្វាន់២៤ម៉ឺនដុល្លារទៅហើយ
ចន្លោះមិនឃើញ
គិតត្រឹម៤ប្រកួតកន្លងមកនេះ ក្រុមជម្រើសជាតិវៀតណាមទទួលបានរង្វាន់រហូតដល់២៤ម៉ឺនដុល្លារទៅហើយ ពីការឧបត្ថម្ភនានា ក្រោយពីលេងល្អនៅវគ្គជម្រុះ World Cup 2022 ។
ក្រុមជម្រើសជាតិវៀតណាម បានយកឈ្នះលើក្រុមអារ៉ាប់រួម ១-០ កាលពីប្រកួតទី៤កន្លងទៅ ឡើងទៅឈរកំពូលតារាងពូលG សិនហើយ ខណៈដែលស្អែកពួកគេនឹងត្រូវប៉ះក្រុមថៃទៀត។ ៤ប្រកួតកន្លងមក វៀតណាមមិនទាន់ស្គាល់បរាជ័យឡើយ ដែលធ្វើឱ្យអ្នកគាំទ្រនិងស្ថាប័ននានាពេញចិត្តចំពោះទម្រង់លេងរបស់ក្រុមទាំងមូលជាខ្លាំង។
គិតត្រឹមនេះ មានរង្វាន់សម្រាប់ក្រុមជម្រើសជាតិ២៤ម៉ឺនដុល្លារហើយ ដែលបានពីក្រុមហ៊ុននានា។ ប្រសិនបើនៅថ្ងៃស្អែក ពួកគេអាចយកឈ្នះលើក្រុមថៃបានទៀត នោះប្រាក់រង្វាន់ជាច្រើនទៀតនឹងធ្លាក់ដល់ដៃក្រុមវៀតណាមមិនខាន ព្រោះការបាន៣ពិន្ទុពីក្រុមថៃ អាចធានាភាគរយកាន់តែច្រើនសម្រាប់វៀតណាមក្នុងការឡើងទៅវគ្គបន្ដ។ ឆ្លង៤ប្រកួតក្នុងពូល វៀតណាមមាន១០ពិន្ទុ ថៃមាន៧ពិន្ទុ អារ៉ាប់រួមមាន៦ពិន្ទុ ម៉ាឡេស៊ី មាន៦ពិន្ទុ និងឥណ្ឌូណេស៊ីមាន០ពិន្ទុ៕
