- 2019-11-02 14:00:58
- បាល់ទាត់
គ្រូ U19 កម្ពុជា និយាយយ៉ាងណា ក្រោយចាញ់ម៉ាឡេស៊ីដែលមានគ្នា៩នាក់
- 2019-11-02 14:00:58
- ចំនួនមតិ 0 | ចំនួនចែករំលែក 0
គ្រូ U19 កម្ពុជា និយាយយ៉ាងណា ក្រោយចាញ់ម៉ាឡេស៊ីដែលមានគ្នា៩នាក់
ចន្លោះមិនឃើញ
ក្រុមបាល់ទាត់អាយុក្រោម១៩ឆ្នាំរបស់កម្ពុជា បានបរាជ័យក្រោមថ្វីជើងក្រុមម៉ាឡេស៊ី ៥-៤ ក្នុងការប្រកួតពានរង្វាន់ AFC U-19 Championship 2020 Qualifiers ពូល G។
ក្នុងការប្រកួតនេះដែរ នៅតង់ទី១ក្រុមម៉ាឡេស៊ី បានយកឈ្នះលើក្រុមកម្ពុជា ៣-០ ទៅហើយ។ ស្របពេលដល់តង់ទី២វិញ នាទី៦០ ខាងក្រុមម៉ាឡេស៊ី បានបាត់កីឡាករដល់ទៅ២នាក់ឯណោះ ដោយសារតែទទួលបានកាតក្រហម។ ដូច្នេះនៅសល់៣០នាទីចុងក្រោយនេះ ម៉ាឡេស៊ី មានគ្នាត្រឹម៩នាក់ប៉ុណ្ណោះ ដើម្បីទប់ក្រុមកម្ពុជាមានគ្នា១១នាក់។
យ៉ាងណាមិញ ការប្រកួតក្នុងនាទីនៅសល់នេះ កម្ពុជាព្យាយាមមែនទែន រហូតរកគ្រាប់បាល់បាន ប៉ុន្តែគួរឱ្យសោកស្ដាយ នៅគ្នាត្រឹម៩នាក់នោះ ម៉ាឡេស៊ី នៅតែអាចទម្លាយសំណាញ់ទីកម្ពុជាបាន២គ្រាប់ទៀត ដោយ១គ្រាប់នោះទាត់ចេញពីពាក់កណ្ដាលតារាងតែម្ដង។ ការព្យាយាមរបស់កម្ពុជា ក៏រកបានដល់៤គ្រាប់វិញផងដែរ។ ចប់ការប្រកួត កម្ពុជារបូត៣ពិន្ទុ ព្រោះចាញ់ម៉ាឡេស៊ី ៥-៤។
ក្រោយចប់ការប្រកួតនេះ លោក Koji Gyotoku ដែលជាគ្រូបង្វឹកក្រុម U19 កម្ពុជាបានលើកឡើងដែរថាក្រុមម៉ាឡេស៊ី ពិតជាលេងល្អក្នុងការប្រកួត។ តំបន់ប្រយុទ្ធរបស់គេពិតជាមុតស្រួច ខណៈដែលការលេងការពារវិញក៏ល្អថែមទៀត៕
