- 2019-10-10 07:28:06
- បាល់ទាត់
យុវជន Man City ម្នាក់នេះ Pep ថា ឲ្យ៥០០លានអឺរ៉ូក៏មិនលក់ដែរ អនាគតអាចជំនួស Silva
- 2019-10-10 07:28:06
- ចំនួនមតិ 0 | ចំនួនចែករំលែក 0
យុវជន Man City ម្នាក់នេះ Pep ថា ឲ្យ៥០០លានអឺរ៉ូក៏មិនលក់ដែរ អនាគតអាចជំនួស Silva
ចន្លោះមិនឃើញ
លោក Pep Guardiola បាននិយាយថា ខ្សែបម្រើវ័យក្មេង Phil Foden គឺជាកីឡាករតែម្នាក់គត់ដែល Manchester City មិនលក់ ទោះឲ្យ៥០០លានអឺរ៉ូក៏ដោយ។
កីឡាករជម្រើសជាតិអង់គ្លេសអាយុក្រោម២១ឆ្នាំ បានតាំងចិត្តសាងអនាគតនៅ City ដែលជាក្លឹបលេងតាំងពីយុវជន ត្បិតបច្ចុប្បន្នពិបាកប្រជែងរកជម្រើសដំបូងក្ដី។ Pep ជឿជាក់ អនាគតយុវជនវ័យ១៩ឆ្នាំរូបនេះនឹងអាចជំនួសកន្លែងលេងរបស់ David Silva ពេលដែលគេចាកចេញក្រោយចប់រដូវកាលនេះ។
អ្នកចាត់ការសញ្ជាតិអេស្ប៉ាញបានលើកឡើងថា៖ "ពួកយើងមិនមែនចេះតែឲ្យកុងត្រាថ្មីទៅ Phil Foden ដោយចៃដន្យទេ។ គេគឺជាកីឡាករតែម្នាក់គត់ដែលមិនអាចលក់ទោះក្រោមកាលៈទេសៈណាក៏ដោយ។ ទោះបីឲ្យ៥០០លានអឺរ៉ូក៏ដោយ។ Phil មិនអាចទៅណាបានទេ។ Phil គឺ City។ ពួកយើងនឹងមិនទិញនរណាមកដើម្បីតំបន់កណ្ដាលនេះទេ។ ពេលដែល David Silva ចេញ ច្បាស់ណាស់នរណានឹងក្លាយជាអ្នកជំនួសកន្លែង"។
Phil Foden ចូលហាត់បាល់ដំបូងជាមួយ Man City ក្នុងឆ្នាំ២០០៩។ ២០១៧ គេមានឱកាសឡើងមកលេងក្រុមធំ ទល់បច្ចុប្បន្នបង្ហាញខ្លួនបាន១៩ប្រកួតក្នុងលីគ រកបាន១គ្រាប់៕