- 2019-10-09 02:22:01
- បាល់ទាត់
វីរបុរសបាល់ទាត់ម្នាក់ដែលធ្លាប់ជួយអាល្លឺម៉ង់លើកពាន World Cup ប្រកាសចូលនិវត្តន៍
- 2019-10-09 02:22:01
- ចំនួនមតិ 0 | ចំនួនចែករំលែក 0
វីរបុរសបាល់ទាត់ម្នាក់ដែលធ្លាប់ជួយអាល្លឺម៉ង់លើកពាន World Cup ប្រកាសចូលនិវត្តន៍
ចន្លោះមិនឃើញ
អតីតកីឡាករជម្រើសជាតិអាល្លឺម៉ង់ Manchester United និង Bayern Munich ខ្សែបម្រើស Bastian Schweinsteiger បានប្រកាសចូលនិវត្តន៍ហើយ។
កីឡាករវ័យ៣៥ឆ្នាំបានប្រកាសអំពីការសម្រេចចិត្តរបស់គេ២ថ្ងៃ បន្ទាប់ពីបញ្ចប់រដូវកាលនៅ Major League Soccer។ ក្លឹបរបស់គេ Chicago Fire បានបញ្ចប់លីគស្ថិតនៅលេខ១៧ក្នុងតារាងពិន្ទុ MLS។
Schweinsteiger ធ្លាប់ជួយអាល្លឺម៉ង់ឈ្នះពាន World Cup ២០១៤ និងពាន Bundesliga ៨លើកជាមួយ Bayern។ សរុបគេធ្លាប់បង្ហាញខ្លួនបាន១២១ប្រកួតឲ្យអាល្លឺម៉ង់រវាងឆ្នាំ២០០៤ដល់២០១៦។ ខ្សែបម្រើរូបនេះលេងបាន៥០០ប្រកួតឲ្យ Bayern និងធ្លាប់ជួយក្រុមលើកពាន Champions League មុនពេលផ្លាស់ទៅ Man Utd ក្នុងតម្លៃខ្លួន១៤,៤លានផោនក្នុងឆ្នាំ២០១៥។
២០១៧ Schweinsteiger សម្រេចចិត្តទៅចូលរួមជាមួយក្រុម Chicago Fire ដោយគ្មានតម្លៃខ្លួន។ រដូវកាលដំបូងគេបានជួយក្រុមឈរលេខ៣ក្នុងលីគកំពូលរបស់អាមេរិក៕
