- 2019-08-13 08:06:23
- បាល់ទាត់
គ្រូ U18 វៀតណាម ហាមកូនក្រុមខ្លួន មិនឱ្យមើលស្រាលថៃ ទោះថៃប្រកួតចាញ់កម្ពុជាក៏ដោយ
- 2019-08-13 08:06:23
- ចំនួនមតិ 0 | ចំនួនចែករំលែក 0
គ្រូ U18 វៀតណាម ហាមកូនក្រុមខ្លួន មិនឱ្យមើលស្រាលថៃ ទោះថៃប្រកួតចាញ់កម្ពុជាក៏ដោយ
ចន្លោះមិនឃើញ
គ្រូ U18 វៀតណាម លោក Hoang Anh Tuan បានព្រមានដល់កូនក្រុមរបស់ខ្លួន មិនឱ្យមើលស្រាលក្រុម U18 ថៃឡើយ បើទោះបីជាការប្រកួត ៣លើករបស់ថៃ មិនទាន់ស្គាល់ជ័យជម្នះក៏ដោយ។ ការថ្លែងនេះ ធ្វើឡើងមុនពេលវៀតណាម នឹងត្រូវប៉ះថៃ នាវេលាម៉ោង ៧កន្លះយប់នេះ ក្នុងពានរង្វាន់ AFF U18 Championship 2019 ពូលB ជើងទី៤។
គ្រូដែលដឹកនាំក្រុមវៀតណាម ទៅប្រកួត U20 World Cup កាលពីឆ្នាំ២០១៧រូបនេះ បានលើកឡើងថា បើទោះបីជាថៃ នៅជិតបាតតារាងក្តី ប៉ុន្តែក្រុមនេះ គឺនៅតែជាក្រុមខ្លាំងដែលអាចយកឈ្នះវៀតណាមបាន។ «ថៃមានតែ ១ពិន្ទុប៉ុណ្ណោះ ក្នុង៣ប្រកួតកន្លងមក ប៉ុន្តែពួកគេលេងបានយ៉ាងល្អ។ ក្នុង៣ប្រកួតនេះ ពួកគេ (ថៃ) បានបង្កើតឱកាសជាច្រើន ប៉ុន្តែមិនអាចរកគ្រាប់បាល់បាន»។
៣ប្រកួតកន្លងមក វៀតណាម មាន ៦ពិន្ទុឈរនៅលេខ៣ ខណៈថៃ លេខ៥ មាន១ពិន្ទុ។ គួរកត់សម្គាល់ថា កាលពីប្រកួតជើងទី២ក្នុងពូល ថៃបានចាញ់ កម្ពុជា ក្នុងលទ្ធផល ៣-៤៕
