- 2019-08-05 02:47:51
- បាល់ទាត់
Walker ប្រើក្បាច់បកចេក សង្គ្រោះបាល់លើអាកាស ជួយ Man City យប់មិញ
- 2019-08-05 02:47:51
- ចំនួនមតិ 0 | ចំនួនចែករំលែក 0
Walker ប្រើក្បាច់បកចេក សង្គ្រោះបាល់លើអាកាស ជួយ Man City យប់មិញ
ចន្លោះមិនឃើញ
ខ្សែការពារ Kyle Walker បានសង្គ្រោះបាល់ចុងម៉ោងដ៏អស្ចារ្យមួយ សង្គ្រោះក្រុម Manchester City ក្នុងពានរង្វាន់ Community Shield ។
ការប្រកួតរវាងក្រុម Liverpool នឹង Man City ពិតជាជក់ចិត្តខ្លាំងមែនទែន ដោយសារតែក្រុមទាំងពីរដូចដឹងស្រាប់ហើយ គឺលេងល្អដូចគ្នា និងសម្រុកខ្លាំង។ Man City ជាអ្នកនាំមុខមុន រកគ្រាប់បាល់ដោយ Raheem Sterling នាទី១២។ Liverpool ត្រូវរង់ចាំដល់នាទី៧៨វគ្គទីពីរទើបតាមស្មើតាមវិញ ដែលជាការទាត់ចូលទីរបស់ខ្សែការពារ Joel Matip។ ក្រុមរបស់លោក Klopp មានឱកាសទទួលបានជ័យជម្នះទៅហើយ នៅចុងម៉ោង ប៉ុន្តែត្រូវបាន Walker សង្គ្រោះបាល់នោះបានវិញ។
ការសង្គ្រោះ១គ្រាប់នេះដែរ សឹងតែគ្មាននរណាម្នាក់ជឿឡើយ ត្បិតអីបាល់នោះអ្នកចាំទីឈរមើលទៅហើយ តែ Walker លោតពីចម្ងាយមក ទាត់បកចេកលើអាកាស ឱ្យបាល់នោះចេញក្រៅវិញ។ ក្រោយសង្គ្រោះបាល់នេះបាន ក្រុមទាំងពីបញ្ចប់ទៅត្រឹមលទ្ធផលស្មើគ្នា ១-១ ហើយទាត់ប៉េណាល់ទីកាត់សេចក្ដីក្រុម Man City ឈ្នះក្នុងលទ្ធផល ៥-៤៕
