Ferguson ព្យាយាមបញ្ចុះបញ្ចូល Solskjaer ចុះហត្ថលេខាខ្សែបម្រើឆ្នើមរបស់ Aston Villa

2019-07-28 06:30:00
បាល់ទាត់

2019-07-28 06:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យ៧៧ឆ្នាំ ដ៏មានឥទ្ធិពលនៅ Man Utd បានប្រាប់គ្រូបង្វឹក Ole Gunnar Solskjaer ឲ្យចុះហត្ថលេខានាំយក Jonh McGinn របស់ Aston Villa ព្រោះ Sir Alex Ferguson ជឿថាខ្សែបម្រើរូបនេះស័ក្ដិសមបំផុត។

ខ្សែបម្រើ Jonh McGinn របស់ Aston Villa

ប៉ុន្តែ Solskjaer ហាក់ដូចជាដាក់គោលដៅទិញតែកីឡាករវ័យក្មេងៗ ដែលលោកជឿថាអាចលេងទម្រង់ដាក់សម្ពាធលើគូប្រកួត និង ទើបតែទិញបានកីឡាករវ័យ២១ឆ្នាំ២រូបគឺ ខ្សែបម្រើ Daniel James និង ខ្សែការពារ Aaron Wan-Bissaka វ័យក្មេងថ្លៃ ៦៣ លានដុល្លារ។

The Sun បានអះអាងថា Ferguson គឺជាអ្នកព្យាយាមបញ្ចុះបញ្ចូល Solskjaer ឲ្យនាំយកចុះកុងត្រាកីឡាករវ័យ២៤ឆ្នាំ។ Ferguson គឺជាមិត្តនឹងជីតារបស់ McGinn ហើយអន្តរាគមន៍របស់អតីតគ្រូបង្វឹករូបនេះប្រហែលជាគ្រប់គ្រាន់សម្រាប់ United ទម្លាក់លុយទិញកីឡាករសញ្ជាតិស្កុតឡែន។

Metro បានរាយការណ៍ថា Solskjaer នៅរារែក ព្រោះតែ Aston Villa ទារថ្លៃ ៦០ ដុល្លារសម្រាប់ McGinn។ ប៉ុន្តែផ្ទុយទៅវិញ Man Utd បានព្រមព្រៀងជាមួយ Sporting Lisbon ចុះហត្ថលេខាខ្សែបម្រើ Bruno Fernandes ក្នុងតម្លៃដល់ទៅ ៧៦ លានដុល្លារ ហើយសង្ឃឹមថា កិច្ចព្រមព្រៀង ៩៩ លានដុល្លារសម្រាប់ Harry Maguire នឹងទទួលបានជោគជ័យ។

សារព័ត៌មានអង់គ្លេស The Mirror ក៏ធ្លាប់បានរាយការណ៍កាលពីចុងខែឧសភានៅពេល Ferguson ដឹកនាំក្រុមវីរបុរស Man Utd ជំនាន់៩៩ យកឈ្នះ Bayern ៥-០ ថាប្រភពដែលស្និទ្ធនឹងគ្រូតាបង្ហើបថា Ferguson មានការអន់ចិត្តយ៉ាងខ្លាំងនៅពេលដឹងថាក្លឹប និង គ្រូបង្វឹកថ្មីលែងសូវស្តាប់លោក ព្រោះតែពួកគេមិនចង់ឲ្យ Ferguson នៅតែបន្តឥទ្ធិពលនៅ Old Trafford ទោះបីជាអតីតគ្រូបង្វឹករូបនេះធ្លាប់និយាយថាលោកតែងតែស្រលាញ់ និង ចង់ឃើញ Man Utd រីកចម្រើនយ៉ាងណាក្តី៕

អាន៖ Man Utd ល្មើសតំណម២មិនស្តាប់ការណែនាំរបស់ Alex Ferguson

ប្រភព៖ Metro ប្រែសម្រួល៖ សុខ លាងហ៊ត