- 2019-07-08 03:43:54
- បាល់ទាត់
ឆ្លងកាត់១៤សប្ដាហ៍ ស្វាយរៀងបន្ដភាពខ្លាំងឈរលេខ១ មិនទាន់ចាញ់សោះ
- 2019-07-08 03:43:54
- ចំនួនមតិ 0 | ចំនួនចែករំលែក 0
ឆ្លងកាត់១៤សប្ដាហ៍ ស្វាយរៀងបន្ដភាពខ្លាំងឈរលេខ១ មិនទាន់ចាញ់សោះ
ចន្លោះមិនឃើញ
ការប្រកួតលីគកំពូលកម្ពុជាបានបញ្ចប់ការប្រកួតសប្ដាហ៍ទី១៤ ហើយដោយក្នុងនោះក្រុមព្រះខ័នរាជស្វាយរៀងនៅតែធ្វើបានល្អដដែល ឈរលេខ១ ដាច់៥ពិន្ទុ និងបន្ដកំណត់ត្រាមិនទាន់ចាញ់។
ក្នុងសប្ដាហ៍ទី១៤នេះ ក្រុមស្វាយរៀងបានយកឈ្នះលើក្រុមប៉ូលិស ២-០ រក្សាកំណត់ត្រាកំណត់ត្រាល្អរបស់ខ្លួន។ ខណៈដែលក្រុមលេខ២ដែលកំពុងប្រដេញពីក្រោយនោះ ណាហ្គាវើលក៏ធ្វើបានល្អដូជគ្នា ឈ្នះក្រុមអាស៊ីអឺរ៉ុបក្នុងលទ្ធផល ៦-១។ គូដែលពិសេសជាងគេប្រចាំសប្ដាហ៍ បឹងកេត ជាមួយក្រោន បញ្ចប់ទៅត្រឹមចែកគ្នាម្នាក់១ពិន្ទុប៉ុណ្ណោះ ព្រោះស្មើគ្នា ៤-៤។ ប្រកួតនេះ បានធ្វើឱ្យអ្នកគាំទ្រសប្បាយក្នុងការទស្សនា ព្រោះមានគ្រាប់បាល់បញ្ចូលទីគ្នាច្រើន។
កំណត់ត្រាអ្នកទស្សនានៅកីឡដ្ឋានច្រើនជាងគេ នៅតែធ្លាក់ទៅលើក្រុម Angkor Tiger ដដែល ពោលគឺការប្រកួតដែលពួកគេឈ្នះក្រុមក្រសួងការពារជាតិនោះ មានអ្នកទៅមើលជិត៤ពាន់នាក់ឯណោះ។ បច្ចុប្បន្នក្រុមរបស់ម្ចាស់ក្លឹបជាជនជាតិជប៉ុននេះ កំពុងឈរនៅលេខ៣ក្នុងតារាងមាន៣០ពិន្ទុ ចាញ់ក្រុមកំពូលតារាងស្វាយរៀង ៦ពិន្ទុ។
សម្រាប់ការប្រកួតសប្ដាហ៍ទី១៤នេះដែរ ក្លឹបខេត្តកំពង់ចាម នៅតែរក្សាកំណត់ត្រាមិនឈ្នះរបស់ខ្លួនទៀត ដោយពួកគេចាញ់ក្រុមអគ្គិសនី ៣-១។ បច្ចុប្បន្ននៅបាតតារាង របូតគ្រាប់បាល់ដល់ទៅ១២៨គ្រាប់ហើយ៕
រូបភាព៖ CNCC
