- 2019-06-11 01:43:57
- បាល់ទាត់
តើកម្ពុជារក្សាកំណត់ត្រាបានអត់ ពេលប៉ះប៉ាគីស្ថានជើងទី២យប់នេះ?
- 2019-06-11 01:43:57
- ចំនួនមតិ 0 | ចំនួនចែករំលែក 0
តើកម្ពុជារក្សាកំណត់ត្រាបានអត់ ពេលប៉ះប៉ាគីស្ថានជើងទី២យប់នេះ?
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជាត្រូវរក្សាកំណត់ត្រារបស់ខ្លួនឡើងទៅជុំទី២វគ្គជម្រុះជើងឯកពិភពលោក World Cup 2022 និង Asian Cup 2023 ជុំទី១ប្រចាំតំបន់អាស៊ីនៅពេលតទល់នឹងប៉ាគីស្ថានជើងទី២នៅប្រទេសកាតារ។
ក្រុមជម្រើសជាតិកម្ពុជាបានបង្កើតកំណត់ត្រាប្រវត្តិសាស្ត្រលើកដំបូងក្នុងវគ្គជម្រុះជើងឯកពិភពលោក World Cup 2018 កាលពីឆ្នាំ២០១៥នៅពេលប្រកួតជម្រុះជុំទី១ទទួលបានជ័យជម្នះលើម៉ាកាវទាំងពីរជើង ៤-១ (ជើងទី១នៅក្នុងផ្ទះ ឈ្នះ ៣-០ និងជើងទី២នៅទឹកដីម៉ាកាវ ស្មើ ១-១)។ នេះជាប្រវត្តិសាស្ត្រលើកដំបូងដែលកម្ពុជាឆ្លងកាត់ជុំទី១ជោគជ័យ និងបានបន្តដំណើរទៅប្រកួតវគ្គជម្រុះក្នុងពូលជុំទី២ប្រចាំតំបន់អាស៊ី។
យប់នេះ កម្ពុជាត្រូវការរក្សាកំណត់ត្រារបស់ខ្លួនដើម្បីឡើងទៅជុំទី២ទៀត នៅពេលជួបប៉ាគីស្ថានជើងទី២នៅប្រទេសកាតារវេលាម៉ោង១១យប់នេះ (ម៉ោងនៅកម្ពុជា)។ កម្ពុជាត្រូវការត្រឹមតែស្មើគ្នា ឬចាញ់ត្រឹម ១-០ ក៏កម្ពុជាបានឡើងទៅវគ្គទី២ដែរ បន្ទាប់ពីឈ្នះជើងទី១ដោយលទ្ធផល ២-០ នៅក្នុងផ្ទះរបស់ខ្លួនកាលពីថ្ងៃទី៦ ខែមិថុនា កន្លងទៅថ្មីៗនេះ។
យ៉ាងណា ការប្រកួតនេះពុំមានទូរទស្សន៍ក្នុងស្រុកផ្សាយបន្តផ្ទាល់ឡើយ៕