• 2019-03-07 03:28:22
  • បាល់ទាត់

ឆាំង ពិសិដ្ឋ ៖ រដូវ​កាល​នេះ​លីគ​ នឹង​មាន​ការ​ប្រកួត​ប្រជែង​គួរឲ្យ​ចាប់អារម្មណ៍​

  • 2019-03-07 03:28:22
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​​លោក ឆាំង ពិសិដ្ឋ លេខា​ប្រតិបត្តិ​នៃ គណៈ​កម្មការ​ប្រកួត​បាល់ទាត់​ជាតិ​កម្ពុជា បញ្ចេញ​ទស្សនៈ​ផ្ទាល់​ខ្លួន​ថា លីគ​កំពូល​កម្ពុជា​រដូវ​​កាល​នេះ នឹង​កាន់​តែ​មាន​ការ​ប្រកួត​ប្រជែង​ខ្លាំង​។

​លីគ​កំពូល​កម្ពុជា នឹង​ចាប់​ផ្ដើម​ដំណើរ​ការ​ចាប់​ពី​ថ្ងៃ​ទី​១៦ ខែ​មីនា ឆ្នាំ​២០១៩ ដែល​មាន​ក្រុម​ចូល​រួម​ចំនួន១៤។ ទាក់​ទង​ការ​ប្រកួត​លីគ​កំពូល​អតីត​អ្នក​ចាត់​ការ​ក្រុម​ជម្រើស​ជាតិ​កម្ពុជា​បាន​ឲ្យ​ដឹង​ថា ឆ្នាំ​នេះ​គ្រប់​ក្លឹប​ធំ​ៗ​មាន​ការ​នាំ​ចូល​កីឡាករ​ល្អៗ​ ហើយ​មាន​ការ​រៀប​ចំ​បាន​ល្អ​​​ មាន​ទាំង​ការ​ប្រកួត​មិត្តភាព​​ជា​ច្រើន​។

​ចំណុច​ទាំង​នេះ​អាច​បញ្ជាក់​បាន​ថា លីគ​​ឆ្នាំ​នេះ​នឹង​មាន​​ការ​ប្រកួត​ប្រជែង​ខ្លាំង​ ដោយ​សារ​ក្រុម​ច្រើន ហើយ​ក្លឹប​សុទ្ធតែ​ខ្លាំង​។ លោក​សំណូមពរ​ឲ្យ​អ្នក​គាំទ្រ​មេត្តា​ចូល​រួម​​​ទស្សនា​ការ​ប្រកួត​លីគ​ឲ្យ​បាន​ច្រើន ពី​ព្រោះ​លីគ​ខ្លាំង​ជម្រើស​ជាតិ​ក៏​ខ្លាំង​។

​សូម​បញ្ជាក់​ថា ក្រុម​ទាំង​១៤ ដែល​នឹង​ចូល​លេង​លីគ​កំពូល​កម្ពុជា​រដូវ​កាល​នេះ​មាន៖

  • ១- ភ្នំពេញក្រោន ​ប្រើទីលាន RSN

  • ២- ​វិសាខា ​ប្រើ​កីឡដ្ឋាន​វិសាខា

  • ៣- ​ក្រសួង​ការពារ​ជាតិ ​ប្រើស្ដាត​ចាស់

  • ៤- អាស៊ីអឺរ៉ុប​ ប្រើទីលាន ​AEU

  • ៥- អគ្គស្នងការដ្ឋាន​នគរ​បាល​ជាតិ ប្រើ​ទីលាន 7NG

  • ៦- អង្គរ​​ថៃហ្គ័រ ​ប្រើ​កីឡដ្ឋាន​នៅ​សៀមរាប

  • ៧- ព្រះខ័នរាជស្វាយ​រៀង ​ប្រើ​កីឡដ្ឋាន​ស្វាយ​រៀង

  • ៨- ​អគ្គិសនីកម្ពុជា​ ​ប្រើ​កីឡដ្ឋាន​អគ្គិសនី

  • ៩- ​សូលទីឡូ​អង្គរ ​ប្រើ​កីឡដ្ឋាន​សៀមរាប

  • ១០- គីរីវង់​សុខសែន​ជ័យ ​ប្រើ​កីឡដ្ឋាន​ខេត្ត​តាកែវ

  • ១១- កំពង់​ចាម ​ប្រើ​កីឡដ្ឋាន ប៊ុនរ៉ានី ហ៊ុនសែន ​មេមត់

  • ១២- យុវជន​បាទី ប្រើ​កីឡដ្ឋាន​នៅ​ទន្លេ​បាទី ​

  • ១៣- ណាហ្គាវើល ប្រើ​ស្តាត​ចាស់

  • ១៤- បឹង​កេត ប្រើ​កីឡដ្ឋាន​បឹង​កេត ប៉ុន្តែ​ត្រូវ​ការ​ពេល​បន្តិច​ទៀត​ទើប​ប្រើ​បាន​​​

អត្ថបទ៖ ស្រី សុវណ្ណដារ៉ា​

មតិយោបល់
អត្ថបទពេញនិយម