TN Kandal សង្ឃឹមច្រើននៅវគ្គផ្ដាច់ព្រ័ត្រទូទាំងប្រទេស Tiger Street Football Festival

2019-03-05 03:57:23
បាល់ទាត់

2019-03-05 03:57:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ TN Kandal ទទួលបានលេខ១ពានរង្វាន់ Tiger Street Football 2019 នៅមណ្ឌលខេត្តកណ្ដាល ក្រោយពីយកឈ្នះក្រុម SERV ក្នុងលទ្ធផល ៣-២ នៅវគ្គផ្ដាច់ព្រ័ត្រ។

ក្រោយពីទទួលបានជ័យជម្នះនេះដែរ កីឡាករ នួន ផានិត ដែលជាប្រធានក្រុម TN Kandal បាននិយាយថាក្រុមរបស់ខ្លួនត្រៀមខ្លួនយូរមកហើយក្នុងការលេងពានរង្វាន់នេះ។ សម្រាប់វគ្គផ្ដាច់ព្រ័ត្រទូទាំងប្រទេសវិញ ក្ដីសង្ឃឹមច្រើនៗតែងតែមានជានិច្ចសម្រាប់ក្រុមខ្លួន ប៉ុន្តែលទ្ធផលជាក់ស្ដែងជាយ៉ាងណាគឺមិនទាន់ដឹងទេ ព្រោះក្រុមទាំងអស់ដែលអាចឈានដល់វគ្គផ្ដាច់ព្រ័ត្រទូទាំងប្រទេស សុទ្ធតែជាក្រុមខ្លាំងៗ។

រំលឹកថាក្រុមទាំង៤នៅមណ្ឌលខេត្តកណ្ដាលដែលអាចឡើងដល់វគ្គផ្ដាច់ព្រ័ត្ររួមមាន TN Kandal , SERV , ព្រែកប្រាកីឡា និង Blue Moon។ ដោយនៅសល់តែមណ្ឌលរាជធានីភ្នំពេញ១ទៀតប៉ុណ្ណោះ Tiger Street Football Festival 2019 នឹងឈានដល់វគ្គផ្ដាច់ព្រ័ត្រដណ្ដើមប្រាក់រង្វាន់សរុប៥ម៉ឺនដុល្លារហើយ។ នៅមណ្ឌលភ្នំពេញនឹងធ្វើឡើងនៅថ្ងៃទី១៣-១៤-១៥ ខែមីនា ហើយវគ្គផ្ដាច់ព្រ័ត្រទូទាំងប្រទេសធ្វើឡើងនៅថ្ងៃ១៦-១៧ ខែមីនាឆ្នាំ២០១៩នេះ។