- 2018-11-28 02:31:33
- បាល់ទាត់
រស់ សំអឿន នៅសល់ពេលច្រើនទៀតទើបអាចចូលហាត់វិញបាន
- 2018-11-28 02:31:33
- ចំនួនមតិ 0 | ចំនួនចែករំលែក 0
រស់ សំអឿន នៅសល់ពេលច្រើនទៀតទើបអាចចូលហាត់វិញបាន
ចន្លោះមិនឃើញ
ខ្សែការពារជម្រើសជាតិកម្ពុជា រស់ សំអឿន កំពុងសម្រាកព្យាបាលរបួសដាច់សរសៃជង្គង់របស់ខ្លួន បើគិតត្រឹមពេលនេះអស់រយៈពេល៣ខែមកហើយ ដែលរូបគេឃ្លាតឆ្ងាយពីទីលានបាល់ទាត់។
ខ្សែការពារឆ្នើមរូបនេះបានឲ្យដឹងថា របួសរបស់គេត្រូវព្យាបាលរយៈពេល ៤ ខែទៀតទើបអាចវិលចូលទីលានហ្វឹកហាត់វិញបាន។ បើគិតមកដល់ពេលនេះរូបគេនៅតែមិនអាចរត់ហាត់បានវិញឡើយពោលគ្រាន់តែហាត់លើកដុំដែក ឬធ្វើលំហាត់ប្រាណបានតិចៗប៉ុណ្ណោះ។
រស់ សំអឿន មានចិត្តសោកស្ដាយដែលមានរបួស ហើយមិនអាចជួយជម្រើសជាតិក្នុងព្រឹត្តិការណ៍ AFF Suzuki Cup ។ ទោះជាបែបនេះក្ដីខ្សែការពាររបស់ក្លឹបវិសាខារូបនេះរំពឹងអាចវិលចូលជម្រើសជាតិវិញនាឱកាសលើកក្រោយទៀត ហើយក៏សន្យាប្រឹងប្រែងហ្វឹកហាត់ក្រោយពេលជាពីរបួសមិនឲ្យសមត្ថភាពរបស់គេធ្លាក់ចុះដែរ។
រស់ សំអឿន ជាខ្សែការពារឆ្នើមមួយរូបរបស់កម្ពុជា ដែលត្រូវបានគេដឹងថា តែងបង្ហាញខ្លួនក្នុងក្រុមជម្រើសជាតិ។ ប៉ុន្តែរូបគេមិនអាចមានឈ្មោះចូលលេងឲ្យជម្រើសជាតិកម្ពុជាលើកនេះព្រោះរបួសដាច់សរសៃជង្គង់ក្នុងអំឡុង៣ខែមុន៕
