- 2018-11-11 02:59:41
- ព័ត៌មាន
Dybala ទម្លាយពីសម្ដី ដែលគេនិយាយទៅកាន់ Jose ពេលប៉ះទង្គិចគ្នា
- 2018-11-11 02:59:41
- ចំនួនមតិ 0 | ចំនួនចែករំលែក 0
Dybala ទម្លាយពីសម្ដី ដែលគេនិយាយទៅកាន់ Jose ពេលប៉ះទង្គិចគ្នា
ចន្លោះមិនឃើញ
ខ្សែប្រយុទ្ធរបស់ Juvntus កីឡាករ Paulo Dybala បានទម្លាយពីសម្ដីរបស់គេនិយាយទៅកាន់លោក Jose Mourinho បន្ទាប់ពី Manchester United ឈ្នះក្នុងទីក្រុង Turin។
អ្នកចាត់ការសញ្ជាតិព័រទុយហ្គាល់ Mourinho បានលើកដៃដាក់នៅត្រចៀកឌឺទៅកាន់អ្នកគាំទ្ររបស់ Juventus ក្រោយ United ឈ្នះគ្រាប់ចុងម៉ោងនៅ Champions League កាលពីដើមសប្ដាហ៍នេះ។ កីឡាកររបស់ក្លឹបសេះបង្កង់មួយចំនួនហាក់មិនពេញចិត្តនឹងកាយវិការនេះ ជាក់ស្ដែងខ្សែការពារ Leonardo Bonucci បានចូលទៅប៉ះពាក្យសម្ដីជាមួយ Jose។
ទន្ទឹមគ្នានោះ គេក៏ឃើញ Dybala ចូលទៅនិយាយនឹងគេដែរ មុនពេល Mourinho ដើរចូលទៅក្នុង។ និយាយប្រាប់ Sky Sport Italia កីឡាករសញ្ជាតិអាហ្សង់ទីនបានទម្លាយពីសម្ដីរបស់ខ្លួនថា៖ "ខ្ញុំបានប្រាប់គាត់ថា មិនបាច់ធ្វើកាយវិការបែបនេះទេ ខ្ញុំមិនបានប្រមាថគាត់ទេ ខ្ញុំគ្រាន់តែប្រាប់ហើយដើរចេញ"។
ក្រោយចប់ការប្រកួត Jose Mourinho ក៏បានប្រាប់ពីហេតុផលដែលលោកបញ្ចេញកាយវិការបែបនេះ ដោយសារតែអ្នកគាំទ្រ Juventus ប្រមាថលោកនិងគ្រួសារ៕