/sportevezzzzzzzzzzzzzzzzzzzz(1)/5bcdcc36c6f46_1540213800_medium.jpg)
- 2018-10-22 13:38:40
- បាល់ទាត់
Isco ថា បើដេញ Lopetegui នោះគឺត្រូវតែដេញក្រុម Real Madrid ទាំងមូលដែរ
- 2018-10-22 13:38:40
- ចំនួនមតិ 0 | ចំនួនចែករំលែក 0
Isco ថា បើដេញ Lopetegui នោះគឺត្រូវតែដេញក្រុម Real Madrid ទាំងមូលដែរ
ចន្លោះមិនឃើញ
ក្រោយពីមានព័ត៌មានពីការបណ្ដេញគ្រូបង្វឹកក្លឹប Real Madrid កីឡាករសញ្ជាតិអេស្ប៉ាញ Isco បានលើកឡើងថាលោក Julen Lopetegui មានភាពជឿជាក់ចំពោះកូនក្រុម ហើយកីឡាកររូបនេះថែមទាំងអះអាងថាវាជារឿងដ៏ឆ្កួតមួយបើមានការផ្លាស់ប្ដូររូបលោកនៅក្នុងរដូវកាលនេះ។
Isco បាននិយាយថា៖ " ខ្ញុំមិនជឿថាពួកសារព័ត៌មានមានអំណាចក្នុងការបណ្ដេញគ្រូបង្វឹករបស់យើងទេ(Julen Lopetegui)។ រឿងរ៉ាវច្របូកច្របល់ដែលពួកអ្នកប្រឌិតមក គឺមិនពិតទេ។ ពួកយើងជឿជាក់លើបុគ្គលិកទាំងអស់ដែលបានធ្វើការជាមួយគ្នា " ។
ខ្សែបម្រើជម្រើសជាតិអេស្ប៉ាញរូបនេះបានបន្តថា៖ '' គ្រូបង្វឹករបស់យើងមានភាពជឿជាក់លើកូនក្រុម ហើយវាជារឿងដ៏ឆ្កួតមួយក្នុងការដេញរូបលោកចេញ ។ បើអ្នកដេញលោក នោះអ្នកក៏ត្រូវដេញពួកយើងដែរ ព្រោះអីវាមិនមែនជារឿងរបស់គ្រូបង្វឹកតែម្នាក់ឯងនោះទេ តែវាជារឿងរបស់ទាំងអស់គ្នា " ។
យ៉ាងណាមិញ ក្លឹប Real Madrid បានជួបកំណត់ត្រាដ៏អាក្រក់មួយក្នុងរយៈពេលចុងក្រោយនេះ ដោយមិនទាន់ស្គាល់ជ័យជម្នះឡើយក្នុង ៥ប្រកួតនេះ។ ហេតុការណ៍នេះហើយទើបមានពាក្យចចាមអារ៉ាមមួយចំនួនលើកឡើងថា Lopetegui អាចនឹងត្រូវបានបណ្ដេញចេញនៅមុនពេលប្រកួតក្នុង UCL ប៉ះនឹង ក្លឹបViktoria Plzen ឬក៏យ៉ាងយូរណាស់មុនប្រកួត El Clasico៕
