• 2018-10-20 04:57:26
  • ព័ត៌មាន

Messi បរិច្ចាគប្រាក់រាប់លានសាងសង់មន្ទីរពេទ្យមួយកន្លែង

  • 2018-10-20 04:57:26
  • ចំនួនមតិ 0 | ចំនួនចែករំលែក 0

ចន្លោះមិនឃើញ

មូលនិធី The Leo Messi Foundation របស់ Lionel Messi និងមូលនិធី Stavros Niarchos Foundation (SNF) បានបរិច្ចាគប្រាក់ដែលនៅសល់ ២ ,៦លានអឺរ៉ូ ដើម្បីបង្គ្រប់ទៅសាងសង់មន្ទីរពេទ្យមហារីកមួយកន្លែងនៅទីក្រុងបាសេឡូណា ប្រទេសអេស្ប៉ាញ។

មន្ទីរពេទ្យដែលមានឈ្មោះថា SJD Pediatric Cancer ត្រូវការប្រាក់សាងសង់សរុប ៣០លានអឺរ៉ូ ដោយមានការឧបត្ថម្ភពីសប្បុរសជនជាង១ម៉ឺននាក់ ក្រុមហ៊ុនប្រមាណ១៥០ និងមូលនិធិចំនួន១០។ គិតត្រឹមឆ្នាំ២០១៧ មានការរៃអង្គាសប្រាក់បានចំនួនជាង២៧លានអឺរ៉ូ ហើយ Messi បានបង្គ្រប់ចំនួនដែលនៅខ្វះ។

តាមគម្រោង មន្ទីរពេទ្យ SJD Pediatric Cancer អាចឲ្យអ្នកជង្ងឺមហារីកសម្រាកព្យាបាលបានប្រមាណ៤០០នាក់ គឺ៣០% ច្រើនជាងមន្ទីរពេទ្យ Sant Joan de Déu ស្ថិតនៅក្នុងទីក្រុងបាសេឡូណាដូចគ្នាដែលអាចផ្ទុកអ្នកជម្ងឺបាន២១៥នាក់ប៉ុណ្ណោះ។ SJD Pediatric Cancer គ្រោងបើកដំណើរការនៅពាក់កណ្ដាលឆ្នាំ២០២០៕

ប្រភព៖ Marca ប្រែ​សម្រួល៖ វីរ័ត្ន

មតិយោបល់
អត្ថបទថ្មី