Real Madrid និង​ជម្រើស​ជាតិ​អេស្ប៉ាញ​ត្រូវ​លេង​ដោយ​គ្មាន​កីឡាករ​សំខាន់ Isco សម្រាប់​ប៉ុន្មាន​ប្រកួត​ខាង​មុខ។

អតីត​កីឡាករ​របស់ Malaga ​កំពុង​កើត​ជំងឺ​រលាក​ខ្នែង​ពោះវៀន​និង​ត្រូវ​វះ​កាត់​ព្យាបាល​ជា​បន្ទាន់ ដោយ​ត្រូវ​សម្រាក​ជិត​១​ខែ​ឯណោះ។ ដូច្នេះ​គេ​ត្រូវ​ខកខាន​ប្រកូក​ឲ្យ Madrid យ៉ាង​តិច​៤​ប្រកួត និង​២​ប្រកួត​សម្រាប់​ជម្រើស​ជាតិ។

ក្រុម​មាន​មូលដ្ឋាន​ក្នុង​ទីក្រុង​ Madrid ​នឹង​​លេង​ដោយ​គ្មាន Isco ក្នុង​ពេល​​វេលា​ដែល​ត្រូវ​គេ​​បំផុត ព្រោះ​សប្ដាហ៍​ពួក​គេ​ត្រូវ​​ប៉ះ​ជាមួយ​ក្រុម​ខ្លាំង​ពីរ​គឺ Sevilla និង Atletico Madrid ក្នុង​ La Liga។ ហើយ​ថ្ងៃ​ទី​ ២ ខែ តុលា​ត្រូវ​ហោះ​ទៅ​ប្រទេស​រុស្សី​ជួប CSKA Moscow សម្រាប់​ប្រកួត​ទី​ពីរ​នៅ Champions League ។

ចំពោះ​​ជម្រើស​ជាតិ​អេស្ប៉ាញ​វិញ Isco នឹង​មិន​បាន​លេង​សម្រាប់​ប្រកួត​មិត្តភាព​ជាមួយ​វែល​និង​អង់គ្លេស​ក្នុង​ពាន Nations League បាន​ឡើយ។ ​​