- 2018-09-26 01:59:31
- បាល់ទាត់
Mourinho កាន់តែក្រពុលមុខ ក្រោយធ្លាក់ដោយសារក្រុម Lampard នៅ League Cup
- 2018-09-26 01:59:31
- ចំនួនមតិ 0 | ចំនួនចែករំលែក 0
Mourinho កាន់តែក្រពុលមុខ ក្រោយធ្លាក់ដោយសារក្រុម Lampard នៅ League Cup
ចន្លោះមិនឃើញ
Derby County ក្រុមនៅ Championship បានទម្លាក់ Manchester United ដោយបាល់ប៉េណាល់ទីនៅ Old Trafford ក្នុងពាន League Cup ធ្វើឲ្យពួកគេមានឱកាសបន្តទៅជុំទី៤ជាបន្តទៀត។
ម្ចាស់ផ្ទះដែលដាក់កីឡាករពេញជើងជាអ្នករកគ្រាប់បានមុនដោយ Juan Mata មុនពេល Harry Wilson របស់ Derby តាមស្មើបានវិញ។ នាទី៦៧អ្នកចាំទី Sergio Romero ដែលទើបបង្ហាញខ្លួនជាលើកដំបូងឲ្យបិសាចក្រហមក្នុងរដូវកាលនេះ ទទួលបានកាតក្រហម ក្រោយយកដៃប៉ះបាល់ក្រៅតំបន់គ្រោះថ្នាក់។
នាទី៨៦ Jack Marriott រកបានគ្រាប់ទីពីរឲ្យ Derby នាំមុខវិញម្ដង តែម៉ោងបន្ថែមទៅហើយ Fellaini បានតាមស្មើវិញ នាំឲ្យឈានដល់ការប៉េណាល់ទី។ Phil Jones បានបង្កកំហុសនៅគ្រាប់បាល់ចុងក្រោយ ធ្វើឲ្យក្រុមលោក Mourinho ចាញ់ក្រុមរបស់ Lampard ៨-៧។
នេះជាសម្ពាធថ្មីមួយទៀតរបស់អ្នកចាត់ការសញ្ជាតិព័រទុយហ្គាល់ ក្រោយក្នុងលីគទើបតែស្មើជាមួយក្រុមឡើងថ្មី Wolves ស្ថិតនៅលេខ៧ក្នុងតារាងពិន្ទុ Premier League។ ជាពិសេសថ្មីៗលោកទើបតែមានបញ្ហាជាមួយ Pogba ទៀត៕
