- 2018-09-22 04:57:40
- បាល់ទាត់
ល្អណាស់! ក្រសួងអប់រំ ឱ្យជាង ៧០ម៉ឺនដុល្លារ ដល់៤០សហព័ន្ធ ដើម្បីពង្រឹងសមត្ថភាព
- 2018-09-22 04:57:40
- ចំនួនមតិ 0 | ចំនួនចែករំលែក 0
ល្អណាស់! ក្រសួងអប់រំ ឱ្យជាង ៧០ម៉ឺនដុល្លារ ដល់៤០សហព័ន្ធ ដើម្បីពង្រឹងសមត្ថភាព
ចន្លោះមិនឃើញ
បើតាមលោក ស សុខា រដ្ឋលេខាធិការក្រសួងអប់រំ បានបញ្ជាក់ថា ក្រសួងអប់រំ យុវជន និងកីឡា គ្រោងនឹងផ្តល់ថវិកាជាតិសរុបចំនួន ២៩៨០លានរៀល (ជាង ៧២ម៉ឺនដុល្លារ) ទៅឱ្យ ៤០សហព័ន្ធកីឡា សម្រាប់គម្រោងអភិវឌ្ឍន៍វិស័យកីឡា នាឆ្នាំ២០១៩ខាងមុខ។
ការផ្ដល់ប្រាក់យ៉ាងច្រើននេះ គឺដើម្បីពន្លឿនការអភិវឌ្ឍឆ្ពោះទៅទទួលធ្វើជាម្ចាស់ផ្ទះព្រឹត្តិការណ៍កីឡាថ្នាក់តំបន់អាស៊ាន ស៊ីហ្គេម លើកទី៣២ នាឆ្នាំ២០២៣ ខាងមុខ។ ទិសដៅបន្ទាប់របស់ក្រសួងអប់រំ សម្រាប់អាណត្តិទី៦ (២០១៨-២០២៣) ដោយនឹងត្រូវបន្តធ្វើកំណែទម្រង់ស៊ីជម្រៅ ដើម្បីលើកកម្ពស់ និងអភិវឌ្ឍវិស័យអប់រំកាយ និងកីឡា ឆ្ពោះទៅស៊ីហ្គេម ឆ្នាំ២០២៣ ដែលក្នុងនោះរួមមាន៖ បន្តការជួសជុល កែលម្អ និងកសាងហេដ្ឋារចនាសម្ព័ន្ធកីឡា បណ្តុះបណ្តាលធនធានមនុស្ស មន្ត្រីកីឡា គ្រូបង្វឹក អាជ្ញាកណ្តាលចៅក្រម កីឡាករ កីឡាការិនីថ្នាល និង ជម្រើសជាតិ។ ក្រៅពីនេះក៏មានការបន្តកែទម្រង់ការប្រកួតកីឡាគ្រប់ប្រភេទ បន្តប្រតិភូកម្មការងារ និងគាំទ្រថវិកាដល់សហព័ន្ធជាតិផងដែរ។
កាលពីឆ្នាំ២០១៧ ក្រសួងបានចំណាយថវិកាចំនួន ១៦៧០លានរៀល (ជាង ៤០ម៉ឺនដុល្លារ) ដល់សហព័ន្ធកីឡាជាតិនានាចំនួន២១។ ការផ្តល់កញ្ចប់ថវិកាសរុបទាំងអស់នេះតាមឆ្នាំនីមួយៗ គឺត្រូវបានបែងចែកទៅតាមសហព័ន្ធជំនាញនីមួយៗ ដោយសហព័ន្ធបានរៀបចំការងារទាំង៣ គឺការងាររដ្ឋបាល ការបណ្តុះបណ្តាល និងការប្រកួតដោយខ្លួនឯង៕
