យុវជនឆ្នើម U19 ណារ៉ុង កក្កដា លួចហាត់បាល់នៅភ្នំពេញទាំងគ្រួសារហាមឃាត់

2018-07-23 06:32:02
បាល់ទាត់

2018-07-23 06:32:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រយុទ្ធរបស់ក្រុមជម្រើសជាតិកម្ពុជាក្រោមអាយុ ១៩ ឆ្នាំ ណារ៉ុង កក្កដា ទម្លាយពីរឿងពិតដែលខ្លួនចូលហាត់បាល់ទាត់ដំបូងជាមួយថ្នាល U19 របស់ក្រសួងការពារជាតិ ដោយលួចលាក់ពីគ្រួសារកាលឆ្នាំ២០១៦។

ណារ៉ុង កក្កដា

ណារ៉ុង កក្កដា ដែលជាអ្នករកបានពីរគ្រាប់កាលជួយ U-19 កម្ពុជាយកឈ្នះប្រ៊ុយណេ ៥-០ ក្នុងពាន AFF U-19 Championship 2018 នៅប្រទេសឥណ្ឌូណេស៊ីទើបបញ្ចប់កាលពីពេលថ្មីៗនេះ បានឲ្យដឹងថា កាលមកហាត់បាល់ទាត់ដំបូងឪពុក-ម្ដាយមិនព្រមឲ្យមកហាត់ឡើយ ដោយអ្នកទាំងពីរចង់ឲ្យកូនប្រុសម្នាក់នេះខំប្រឹងសិក្សា។

ទោះបីជាយ៉ាងណា ដោយសារទឹកចិត្តស្រលាញ់បាល់ទាត់ខ្លាំង យុវជនដែលអាចក្ដាប់ឱកាសក្នុងក្រុមជម្រើសជាតិទាំង U21 និង U19 រូបនេះលួចលាក់ក្រុមគ្រួសារដោយមកហាត់បាល់ជាថ្នាលយុវជនរបស់ក្លឹបក្រសួងការពារជាតិកាលពីឆ្នាំ២០១៦។ ការចូលហាត់ដំពុងបានត្រឹម ២ ខែប៉ុណ្ណោះរូបគេត្រូវបានលោក ទេព ឡុងរចនា មើលឃើញថា មានសមត្ថភាពក៏ដាក់ឲ្យលេងក្នុងក្លឹបថ្នាល U19 តែម្តង។

កក្កដាបន្តថា រូបគេហាត់បាន១ឆ្នាំក៏ត្រូវបានគ្រូបង្វឹកជ្រើសរើសចូលក្រុមធំរបស់ក្រសួងការពារជាតិ។ កីឡាករមានដើមកំណើតមកពីខេត្តបាត់ដំបងរូបនេះមានឪពុកឈ្មោះ សុខ ណារ៉ុង មុខរបរគ្រូបង្រៀន និងម្ដាយឈ្មោះ វិន សំបឿន មុខរបរមេផ្ទះ។ ក្រោយមកឪពុកម្តាយរបស់ខ្លួនលែងហាមឃាត់៕

ចង់ដឹង ណារ៉ុង កក្កដា និយាយអ្វីខ្លះសូមមើលវីដេអូខាងក្រោម៖